پاکستان میں اقلیتوں کو اتنے ہی حقوق حاصل ہیں جتنے مسلمانوں کو ہیں،سردار محمد یوسف
ہندو برادری کے مذہبی تہوار دیوالی سمیت دیگر اقلیتی برادری کے تہواروں کو بھی سرکاری سطح پر منایا جائیگا،وفاقی وزیر کا دیوالی کی تقریب سے خطاب
جمعرات 12 نومبر 2015 17:59
کراچی(اُردو پوائنٹ تازہ ترین ۔۔ آئی پی اے ۔۔12 نومبر۔2015ء) وفاقی وزیر برائے مذہبی امور اور بین المذاہب ہم آہنگی سردار محمد یوسف نے کہا ہے کہ ہندؤ ں سمیت تمام اقلیتی برادری اس ملک کا حصہ ہیں ۔انہیں بھی اتنے ہی حقوق حاصل ہیں جتنے پاکستان میں رہنے والے مسلمانوں کو ہیں ۔دیوالی خوشی کا تہوار ہے جو خزاں کے موسم میں محبت کا اظہار ہے ۔ان خیالات کا اظہار انہوں نے جمعرات کو مقامی ہوٹل میں ہندو برادری کے تہوار دیوالی کے حوالے سے منعقدہ تقریب سے خطاب کرتے ہوئے کیا ۔
اس موقع پر متروکہ املاک وقف کے چیئرمین صدیق الفاروق سمیت دیگر نے بھی خطاب کیا ۔سردار محمد یوسف نے کہا کہ ہندو برادری کے مذہبی تہوار دیوالی سمیت دیگر اقلیتی برادری کے تہواروں کو بھی سرکاری سطح پر منایا جائے گا ۔(جاری ہے)
انہوں نے کہا کہ پاکستان میں رہنے والے تمام مسلمان اور دیگر مذاہب کے لوگ اتحاد و اتفاق اور یکجہتی سے رہتے ہیں اور تمام مذاہب کے لوگوں کو چاہیے کہ وہ ایک دوسرے کی خوشی اور غم میں شریک ہوں تاکہ امن کا پیغام پوری دنیا میں جاسکے ۔
انہوں نے کہا کہ حکومت اقلیتوں کے حقوق کے تحفظ کے لیے ہرممکن اقدام کررہی ہے اور ان پر ظلم و زیادتی برداشت نہیں کی جائے گی ۔انہوں نے کہا کہ حکومتی اقدام سے کراچی میں امن قائم ہوا ہے۔ آج کراچی میں روشنیاں بحال ہوگئی ہیں ۔دہشت گردی کے خاتمے کے لیے حکومت سنجیدہ اقدامات کررہی ہے ۔دہشت گردی اور انتہا پسندی کے خاتمے کے لیے ضروری ہے کہ معاشرے کے ہر طبقے سے تعلق رکھنے والے لوگ اپنا کردار ادا کریں ۔اس موقع پر متروکہ املاک وقف کے چیئرمین صدیق الفاروق نے کہا کہ دیوالی اندھیرے میں روشنی کا پیغام ہے ۔انہوں نے کہا کہ آج ہندو برادری کے مذہبی تہوار میں تمام مذاہب کے لوگ شریک ہیں ،جس سے یہ پیغام پوری دنیا میں جاتا ہے کہ پاکستان میں اقلیتیں محفوظ ہیں ۔اس موقع پر مختلف اسکولوں کے طلباء و طالبات نے دیوالی کے حوالے سے ٹیبلوز پیش کیے ۔وفاقی وزیر نے اپنی وزارت کی جانب سے اقلیتی برادری کے لیے ایک ایمبولینس عطیہ کرنے کا اعلان کیا ۔جبکہ ٹیبلو پیش کرنے والے بچوں کے لیے 5لاکھ روپے انعام کا اعلان بھی کیا ہے ۔متعلقہ عنوان :
مزید اہم خبریں
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
-
جب گندم کی قلت ہوگی تو پھر روٹی 16 کی بجائے 30 روپے سے اوپر جائے گی
-
سپیکرایازصادق سے سعودی سفیر کی ملاقات ،تعلقات کو مزید وسعت دینے کا اعادہ
-
غزہ سے متعلق اصولی موقف پر پاکستان کو سراہتے ہیں، ایرانی صدرابراہیم رئیسی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.