کیمکلزاینڈڈائزمرچنٹ ایسوسی ایشن نے ایف پی سی سی آئی انتخابات میں سینیٹر غلام علی کی حمایت کردی

`

منگل 10 نومبر 2015 19:21

کراچی (اُردو پوائنٹ اخبارتازہ ترین - این این آئی۔10 نومبر۔2015ء)کیمکلزاینڈڈائزمرچنٹ ایسوسی ایشن نے وفاق ایوانہائے صنعت وتجارت کے سالانہ انتخابات برائے2016میں بزنس مین پینل کے صدارتی امیدوارسنیٹرحاجی غلام علی کی مکمل حمایت کا اعلان کیاہے ۔یہ اعلان منگل کو کیمکلزاینڈڈائزمرچنٹ ایسوسی ایشن کے گروپ لیڈرچوہدری نصیرکی سربراہی میں وفد نے بزنس مین پینل کے چیئرمین سلطان چاولہ،وائس چیئرمین فرسٹ میاں زاہدحسین،سنیٹرحاجی غلام علی، وائس چیئرمین ذکریاعثمان، شیخ منظرعالم ، ثاقب فیاض مگوں،خرم سعید،سلطان رحمن اورشبیرمنشاء سے ملاقات میں کیا ۔

وفد میں چیئرمین کیمکلزاینڈڈائزمرچنٹ ایسوسی ایشن عارف کپور،وائس چیئرمین عبدالصمد،فیصل شبیرچھیپا،معین بشیراور رفیق سیٹھ شامل تھے۔

(جاری ہے)

اس موقع پر کیمکلزاینڈڈائزمرچنٹ ایسوسی ایشن کے عہدیداروں نے کہاکہ بزنس مین پینل نے سنیٹرحاجی غلام علی کو بطورصدارتی امیدوار نامزد کرکے ایک بہترقدم اٹھایا ہے،حاجی غلام علی بزنس کمیونٹی کے مسائل سمجھتے ہیں۔

انہوں نے کہاکہ وہ پہلے بھی ایف پی سی سی آئی کے صدر رہ چکے ہیں ۔ انہوں نے اپنے دورمیں ملکی معیشت اور ایف پی سی سی آئی کی بہتری کے لیے کام کیا اوربزنس کمیونٹی کونہ صرف متحدکیا بلکہ ان کے مسائل بھی احسن طریقے سے حل کیئے ۔انہوں نے امید ظاہرکی کہ وہ پہلے کی طرح بزنس کمیونٹی کومتحدکریں گے بلکہ اپنے پہلے دور سے بڑھ کربزنس کمیونٹی کی خدمت کریں گے ۔بزنس مین پینل کے عہدیداروں نے کیمکلزاینڈڈائزمرچنٹ ایسوسی ایشن کی جانب سے ان کے صدارتی امیدوار کی حمایت کرنے پرشکریہ اداکیا۔

Facebook Twitter Google + Share on Whatsapp

کیمکلزاینڈڈائزمرچنٹ ایسوسی ایشن نے ایف پی سی سی آئی انتخابات میں سینیٹر غلام علی کی حمایت کردی

`

مزید اہم خبریں