انڈین کرکٹ ٹیم کے سابق کپتان سارو گنگولی کوبی سی سی آئی میں اہم عہدہ مل گیا

منگل 10 نومبر 2015 11:56

ممبئی(اُردو پوائنٹ اخبارتازہ ترین - آن لائن۔10 نومبر۔2015ء) انڈین کرکٹ ٹیم کے سابق کپتان اور مایہ ناز آل راوٴنڈر سارو گنگولی کو بھارتی کرکٹ بورڈ میں اہم عہدہ دیدیا گیا ہے۔ میڈیا رپورٹس کے مطابق بنگال کرکٹ ایسوسی ایشن کے صدر سارو گنگولی کو بی سی سی آئی کی تکنیکی کمیٹی کے چیئرمین کے عہدے پر فائز کر دیا گیا ہے جس کا باقاعدہ اعلان ممبئی میں ہونیوالے بھارتی کرکٹ بورڈ کے سالانہ اجلاس کے دوران کیا گیا۔

(جاری ہے)

بورڈ کے ترجمان کا کہنا ہے انیل کامبلے جو کہ تکنیکی بورڈ کے چیئرمین کی حیثیت سے جنوبی افریقہ کے خلاف ٹی ٹونٹی اور ایک روزہ میچوں کی سیریز میں خاطر خواہ کارکردگی نہ دکھا پائے جس کی بناء پر گنگولی کو اس عہدہ پر فائز کئے جانے کا فیصلہ کیا گیا ہے۔بھارتی کرکٹ بورڈ کے صدر سری نواسن کی برطرفی کے بعد نئے صدر سشانک منوہر انیل کامبلے کی کارکردگی سے مایوس تھے۔ اجلاس میں تکنیکی کمیٹی کے چیئرمین کے عہدے کیلئے کسی ایسے فرد کو منتخب کرنے پر غور کیا گیا جسے انتظامی امور اور کرکٹ کا بھی تجربہ ہو ، بورڈ کی باہمی رضامندی کے بعد سارو گنگولی کو اس عہدے کیلئے منتخب کیا گیا۔ یاد رہے کہ انیل کامبلے اس عہدے پر تقریباً ایک سال سے فائز تھے۔

Facebook Twitter Google + Share on Whatsapp

انڈین کرکٹ ٹیم کے سابق کپتان سارو گنگولی کوبی سی سی آئی میں اہم عہدہ مل گیا

متعلقہ عنوان :

مزید کھیلوں کی خبریں