علامہ اقبال کا 138 واں یوم پیدائش عقیدت و احترام سے منایا گیا‘ملک بھر میں تقریبات ‘ مساجد میں خصوصی دعائیں
پیر 9 نومبر 2015 12:46
لاہور(اُردو پوائنٹ اخبارتازہ ترین - آئی این پی۔9 نومبر۔2015ء) شاعر مشرق علامہ اقبال کا 138 واں یوم پیدائش عقیدت و احترام سے منایا گیا‘ملک بھر میں یوم اقبال کے حوالے سے تقریبات کا انعقاد ‘ مساجد میں خصوصی دعائیں کی گئیں ‘لاہورمیں شاعر مشرق علامہ محمد اقبال کے مزار پر پنجاب رینجرز اور پاکستان بحریہ کے گارڈز نے سلامی دی ہے‘مزار اقبال پر گارڈ تبدیلی کی تقریب‘پاک بحریہ کے چاک و چوبند دستے نے مزار پر سیکورٹی کے فرائض سنبھال لئے‘سیکیورٹی کے سخت انتظامات ۔
تفصیلات کے مطابق پاکستانی قوم شاعر مشرق علامہ اقبال کا 138 واں یوم پیدائش عقیدت و احترام سے منایا ۔اس حوالے سے ملک بھر میں یوم اقبال کے حوالے سے تقریبات کا انعقاد کیا گیا اور مساجد میں خصوصی دعائیں کی گئیں ۔(جاری ہے)
پاک بحریہ کے چاک و چوبند دستے نے مزار پر سیکورٹی کے فرائض سنبھال لئے۔ سٹیشن کمانڈر نیوی لاہور کموڈور ایس ایم شہزاد تقریب کے مہمان خصوصی تھے۔
کموڈور ایس ایم شہزاد نے مزار اقبال پر پھولوں کی چادر چڑھائی اور فاتحہ خوانی کی۔کموڈور ایس ایم شہزاد نے مہمانوں کی کتاب میں اپنے تاثرات بھی قلم بند کئے۔ اس سے پہلے پاکستان رینجرز کا دستہ سیکورٹی کے فرائض سر انجام دے رہا تھا۔ ڈی جی رینجرز نے بھی مزار پر حاضری دی اور پھولوں کی چادر چڑھائی۔اس موقع پر سیکورٹی کے سخت انتظامات دیکھنے میں آئے۔ 9 نومبر 1877 کو سیالکوٹ میں آنکھ کھولنے والے علامہ محمد اقبال نے ابتدائی تعلیم اپنے آبائی شہر میں حاصل کی اور پھر لاہور کا رخ کیا۔ 1899 میں ایم اے کرنے کے بعد اورینٹل کالج میں شعبہ درس و تدریس سے وابستہ ہوگئےاور اس دوران شاعری بھی جاری رکھی۔ علامہ اقبال نے 1905 میں برطانیہ چلے گئے جہاں پہلے انھوں نے کیمبرج یونیورسٹی ٹرنٹی کالج میں داخلہ لیا اور پھر معروف تعلیمی ادارے لنکنزاِن میں وکالت کی تعلیم لینا شروع کر دی بعد ازاں بعد وہ جرمنی چلے گئے جہاں میونخ یونیورسٹی سے انھوں نے فلسفہ میں پی ایچ ڈی کی ڈگری حاصل کی۔
ڈاکٹر محمد اقبال نے 1910 میں وطن واپسی کے بعد وکالت کے ساتھ سیاست میں بھی حصہ لینا شروع کیا اور اپنی شاعری کے ذریعے فکری اور سیاسی طور پر منتشر مسلمانوں کو خواب غفلت سے جگایا۔ 1934 کو مسلم لیگ کے مرکزی پارلیمانی بورڈ کے رکن بنے تاہم طبیعت نے ان کا ساتھ نہ دیا اور وہ قیام پاکستان سے 9 برس قبل 21 اپریل 1938 کو لاہور میں اپنے خالق حقیقی سے جاملے۔ شاعر مشرق علامہ محمد اقبال کے مزار پر پنجاب رینجرز کی جانب سے سلامی دی گئی ہے اور گارڈ کے فرائض پاکستان بحریہ کے کیڈٹس کو سونپے گئے ہیں۔ گارڈ تبدیلی کے مہمان خصوصی سٹیشن کمانڈر لاہور کموڈور ایس ایم شہزاد تھے۔ سٹیشن کمانڈر لاہور کی جانب سے مزار اقبال پر پھولوں کی چادر چڑھائی گئی جب کہ پاک بحریہ کے کیڈٹس کی جانب سے سلامی پیش کی گئی۔ اقبال ڈے کے موقع پر شہریوں کی بڑی تعداد بھی فاتح خوانی کے لئے موجود تھی جب کہ اس موقع پر طلبہ و طالبات کی جانب سے اقبال کی مشہور زمانہ نظم لب پہ آتی ہے دعا بن کے تمنا میری بھی گائی گئی۔ شاعر مشرق علامہ محمد اقبال کی شاعری زندہ شاعری ہے، جو ہمیشہ مسلمانوں کے لیے مشعل راہ بنی رہے گی۔ اقبال کی شاعری نے نئی نسل میں انقلابی روح پھونکی اور ہر دور میں اسلامی عظمت کو اجاگر کیا۔ شاعر مشرق علامہ محمد اقبال، ایک مربوط فکر کا نام ہے۔ اور وہ فکر تھی قرآن اور سیرت نبوی ۔ اقبال کے فلسفہ حیات کو اگر ایک لفظ کا پہناوا دیں تو وہ بنتا ہے خودی۔ اقبال نے معاشرے کو مثبت رخ پر سوچنے کی فکر دی۔ قوم کو آزادی کا پیغام دیا۔ اقبال کی تعلیمات و افکار کی روشنی میں پرکھیں، تو عہدِ حاضر میں شاید اقبال کا خواب ٹوٹ کر بکھرتا دکھائی دیتا ہے۔ علامہ اقبال نے امت کو متحد ہونے کا پیغام دیا۔ جو کسی خاص وقت کے لیے نا تھی، بلکہ آفاقی تھی۔ نا صرف موجودہ دور بلکہ آنے والے وقت میں ان کے افکار پر عمل کی ضرورت زیادہ شدت سے محسوس ہو گی۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.