وفاقی حکومت نے دبئی کے حکمران کو نایاب بازوں کی برآمد کی اجازت دیدی
پیر 9 نومبر 2015 12:11
اسلا م آ با د(اُردو پوائنٹ اخبارتازہ ترین - آن لائن۔9 نومبر۔2015ء) وفاقی حکومت نے متحدہ عرب امارات کے نائب صدر و وزیر اعظم اور دبئی کے حکمران شیخ محمد بن راشد المکتوم کے لیے پاکستان سے 25 قیمتی اور نایاب بازوں کی برآمد کا خصوصی اجازت نامہ جاری کردیا۔حکومت کا یہ اقدام جنگلی حیات کے تحفظ کے ملکی قوانین کے ساتھ ساتھ متعدد بین الاقوامی معاہدوں کی بھی خلاف ورزی ہے، جبکہ باز کی ان اقسام کو عالمی سطح پر تحفظ بھی حاصل ہے۔
باوثوق ذرائع کے مطابق وزارت خارجہ نے دبئی کے حکمران کو یہ خصوصی اجازت نامہ جاری کرکے جی ایس پی پلس کی سہولت کو بھی داوٴ پر لگا دیا ہے، جبکہ حکومت کے اس اقدام سے جنگلی حیات کی غیر قانونی تجارت اور اسمگلنگ کو بھی فروغ ملے گا۔ذرائع کا کہنا ہے کہ عرب ممالک سے تعلق رکھنے والے شکاری ہجرت کرکے آنے والے ’ساکر اور پریگرن‘ اقسام کے بازوں کو عالمی سطح پر تحفظ شدہ ’تلور‘ کے شکار کے لیے استعمال کرتے ہیں۔(جاری ہے)
اس سے قبل سعودی شہزادہ اور تبوک کے گورنر فہد بن سلطان بن عبدالعزیز کو بھی قیمتی اور نایاب اقسام کے 10 باز برآمد کے لیے اجازت نامہ جاری کیا گیا تھا۔شہزادہ فہد گزشتہ سال بھی اْس وقت عالمی میڈیا کی توجہ کا مرکز بنے تھے، جب یہ رپورٹس سامنے آئی تھیں کہ انہوں نے بلوچستان کے ضلع چاغی سے 2 ہزار ایک سو عالمی تحفظ شدہ ’تلور‘ پرندوں کا شکار کیا۔
دبئی کے حکمران کی جانب سے یو اے ای کے سفارتخانے کے ذریعے رواں سال ستمبر میں باز کے برآمد کی درخواست کی گئی تھی، جس کے بعد انہیں یہ خصوصی اجازت نامہ اکتوبر کے وسط میں جاری کیا گیا۔اجازت نامے کی کاپی موسمیاتی تبدیلی ڈویڑن کے وائلڈ لائف کنزرویٹر امید خالد، فیڈرل بورڈ آف ریونیو (ایف بی آر) کے چیئرمین اور وزارت خارجہ کے کراچی اور اسلام آباد میں پروٹوکول ڈپٹی چیفس کو بھی بھجوادی گئی ہے۔دوسری جانب پاکستان میں نایاب پرندوں کی اقسام کو محفوظ کرنے والے اداروں نے حکومت سے اس اجازت نامے کی منسوخی کا مطالبہ کیا ہے۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.