آسٹریلیا نے برسبین ٹیسٹ میں نیوزی لینڈ کو 208 رنز سے شکست دے دی

پیر 9 نومبر 2015 11:32

برسبین (اردو پوائنٹ تازہ تر ین اخبار9نومبر۔2015ء ) برسبین میں کھیلے جانے والے پہلے ٹیسٹ میچ کے پانچویں روز آسٹریلیا نے نیوزی لینڈ کو 208 رنز سے شکست دے کر تین میچوں کی سیریز میں ایک صفر کی برتری حاصل کر لی ہے ۔ نیوزی لینڈ کی پوری ٹیم دوسری اننگز میں 504 رنز کے ہدف کے تعاقب میں 295 رنز پر ڈھیر ہو گئی ۔ نیوزی لینڈ کی جانب سے برینڈن میکلم اور راس ٹیلر نے پانچویں دن کا آغاز کیا ۔

میچ کے آخری دن نیوزی لینڈ کی چوتھی وکٹ اس وقت گری جب ٹیلر 26 رنز بنا کر آؤٹ ہوئے ۔ 205 رنز کے مجموعی سکور پر نیوزی لینڈ کی پانچویں وکٹ اس وقت گری جب نیشم صرف تین رنز پر پویلین لوٹ گئے ۔ آسٹریلیا کی جانب سے دوسری اننگز میں نیتھن لیون نے تین، جبکہ مچل سٹارک، ہیزل وڈ اور مچل مارش نے دو، دو جبکہ مچل جانسن نے ایک کھلاڑی کو آؤٹ کیا ۔

(جاری ہے)

اس سے قبل آسٹریلیا نے اپنی دوسری اننگز 264 رنز چار کھلاڑی آؤٹ پر ڈیکلیئر کر دی تھی اور یوں اسے نیوزی لینڈ کے خلاف مجموعی طور پر 503 رنز کی برتری حاصل ہو گئی تھی ۔

آسٹریلیا کی جانب سے دوسری اننگز میں جو برنز نے 13 چوکوں اور چار چھکوں کی مدد سے 129 جبکہ ڈیوڈ وارنز نے آٹھ چوکوں اور دو چھکوں کی مدد سے 116 رنز بنائے تھے ۔ نیوزی لینڈ کی جانب سے دوسری اننگز میں مارک گریگ نے تین ٹرینٹ بولٹ نے ایک کھلاڑی کو آؤٹ کیا ۔ جمعرات کو شروع ہونے والے اس ٹیسٹ میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا تھا ۔ آسٹریلیا کے ڈیوڈ وارنر کو میچ کا بہترین کھلاڑی قرار دیا گیا ۔

Facebook Twitter Google + Share on Whatsapp

آسٹریلیا نے برسبین ٹیسٹ میں نیوزی لینڈ کو 208 رنز سے شکست دے دی

مزید کھیلوں کی خبریں