بہار کے انتخابات میں لالو پرساد اور نتیش اتحاد کی فتح مسلمانوں کیلئے بھی خوشی کی خبربن کر آئی،ریاستی اسمبلی کی 10فیصد نشستیں مسلمانوں نے جیت لیں،243 سیٹوں میں سے 24 پر مسلمان کامیاب
اتوار 8 نومبر 2015 22:44
نئی دہلی /پٹنہ(اُردو پوائنٹ اخبارتازہ ترین - آئی این پی۔8نومبر۔2015ء) بھارتی مشرقی ریاست بہار کے انتخابات میں لالو پرساد اور نتیش اتحاد کی فتح مسلمانوں کیلئے بھی خوشی کی خبربن کر آئی ،ریاستی اسمبلی کی 10فیصد نشستیں مسلمانوں نے جیت لیں،243 میں 24 نشستیں مسلمانوں نے حاصل کیں۔بھارتی میڈیا کے مطابق مشرقی ریاست بہار کے انتخابات میں لالو پرساد اور نتیش اتحاد کی فتح مسلمانوں کیلئے بھی ایک اچھی اور خوشی کی خبربنکر سامنے آئی ۔
10فیصد نشستیں مسلمانوں نے جیت لیں۔ریاستی انتخابات کے سرکاری نتائج کے مطابق 243 نشستوں میں سے 24 مسلمانوں نے حاصل کیں۔مسلمانوں نے 13 نشستیں لالو پرشاد کی پارٹی راشٹریا جنتا دل کے ٹکٹ پر جیتیں ،کانگریس کے ٹکٹ پر 6 اور نتیش کمار کے ٹکٹ پر 4 مسلمان کامیاب ہوئے ۔(جاری ہے)
دوسری جانب جنتا دل اتحاد کے رہنما لالو پرساد یادیو کا کہنا ہے کہ مودی کو بھارت میں رکھنا ملک کو ٹکرے ٹکڑے کرنے کے مترادف ہے۔
بہار کے ریاستی انتخابات میں بی جے پی اتحاد کو شرمناک شکست سے دوچار کرنے کے بعد میڈیا سے بات کرتے ہوئے لالو پرساد یادیو کا کہنا تھا کہ انتخابات سے ثابت ہو گیا کہ عوام منفی سیاست نہیں بلکہ پیار محبت کی سیاست چاہتے ہیں۔ ان کا کہنا تھا کہ نریندر مودی کو حکومت میں رکھنا ملک کو ٹکرے کرنے کے مترادف ہے، مودی کو بہار میں شکست دینے کے بعد اب نئی دلی کی جانب چڑھائی کریں گے۔لالو پرساد کا کہنا تھا کہ نریندر مودی نے گجرات کو بھی ہریانہ سجھ لیا تھا، بہار میں شکست کے مودی کو استعفیٰ دے کر گجرات چلے جانا چاہیئے۔ ہماری سرکار سب کے لئے ہے، اب منفی سیاست نہیں چلے گی، بہار میں مودی کا گائے کارڈ فیل ہو گیا۔واضح ر ہے کہ بہار کے ریاستی انتخابات میں لالو پرساد یادو اور نتیش کمار کے سیاسی اتحاد نے بی جے پی کی سربراہی میں سیاسی اتحاد این ڈی اے کو بدترین شکست سے دوچار کیا ہے، ریاست کی 243 نشستوں میں سے 157 پر جنتا دل اتحاد نے جب کہ بی جے پی اور اس کے اتحادیوں کو 75 نشستیں ملیں۔متعلقہ عنوان :
مزید بین الاقوامی خبریں
-
امریکی سینیٹ نے ٹک ٹاک پر پابندی کے لئے قانون سازی کی منظوری دے دی
-
ٹیسلا نے 4 ماہ قبل بنائی گئی یو ایس گروتھ ٹیم کو فارغ کردیا
-
ایپل کا آن لائن ایونٹ کے انعقاد کا اعلان
-
شہزادہ ولیم اور کیٹ مڈلٹن کو نئی شاہی ذمہ داریاں سونپ دی گئیں
-
ایرانی صدر ابراہیم رئیسی پاکستان سے سری لنکا کے دورے پر پہنچ گئے
-
بھارت کا میڈیا عوام کے مسائل اجاگر کرنے کے بجائے مودی کے گن گاتا ہے،راہول گاندھی
-
تارکین وطن کے حوالہ سے صورتحال پر مغرب میں خانہ جنگی کا خدشہ ہے، ایلون مسک
-
اقوام متحدہ کا غزہ کےہسپتالوں میں دریافت ہونے والی اجتماعی قبروں بارے شفاف تحقیقات کا مطالبہ،امریکا نے بھی اسرائیل سے معلومات طلب کرلیں
-
11 سال سے زائد افغان لڑکیاں تعلیم سے محروم ہیں، برطانوی اخبار
-
ٹرمپ سے عالمی رہنمائوں کی ملاقاتوں پر بائیڈن انتظامیہ پریشان
-
بھارتی میڈیا مسائل اجاگر کرنے کے بجائے مودی کے گن گاتا ہے، راہول گاندھی
-
ایران چند ہفتوں میں جوہری ہتھیار تیار کرسکتا ہے،آئی اے ای اے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.