رواں سال کے آخر تک ایک ملین لوگوں کو گھرنہ دے سکا تو مونچھیں منڈوادوں گا، وینزویلاکے صدر کا عوام سے وعدہ

اتوار 8 نومبر 2015 14:34

کیراکس(اُردو پوائنٹ اخبارتازہ ترین - آئی این پی۔8 نومبر۔2015ء) وینزویلا کے صدر نیکولاس مدورو نے2015ء کے آخر تک ایک ملین لوگوں کو گھر فراہم کرنے کا وعدہ پورانہ کرسکنے پر مونچھیں مونڈدینے کاوعدہ کرلیا۔

(جاری ہے)

غیر ملکی میڈیا کے مطابق وینزویلا کے صدر نے ایک بیان میں کہا ہے کہ انہوں نے عوام سے وعدہ کیا ہے کہ 31 دسمبر 2015ء تک دس لاکھ بے گھر لوگوں کو رہائش فراہم کریں گے، اگر وہ اپنے وعدہ پورا کرنے میں ناکام رہتے ہیں تو اس کی سزا کے طور پراپنی مونچھیں مونڈ دیں گے تاکہ سب کو پتہ چل جائے کہ ایک بدعہد صدر ہوں جو عوام سے کیے وعدے پورے نہیں کرسکتا۔

یادرہے کہ 2010ء کے سیلاب کے نتیجے میں وینزویلا میں ہزاروں خاندان گھروں سے محروم ہو گئے تھے اور پھر سابق صدر آنجہانی ہوگو شاویز نے بھی بے گھر لوگوں کو رہائش فراہم کرنے کا عہد کیا تھا۔ اپنے وعدے کے مطابق 2013ء میں انہوں نے تین ملین لوگوں کو مکان فراہم کرنے کا اعلان کیا تھا مگر 8 لاکھ لوگوں کو گھر دے پائے تھے۔موجودہ صدر مدورو نے چھ دسمبر کو ہونے والے پارلیمانی انتخابات سے قبل یہ بیان دیا ہے جس میں انہوں نے وینزویلا کے بے گھر لوگوں کو رہائش مہیا کریں گے۔

Facebook Twitter Google + Share on Whatsapp

رواں سال کے آخر تک ایک ملین لوگوں کو گھرنہ دے سکا تو مونچھیں منڈوادوں گا، وینزویلاکے صدر کا عوام سے وعدہ

مزید بین الاقوامی خبریں