آل پاکستان ٹیکسٹائل ملز ایسوسی ایشن کاآج ملک بھر میں صنعتیں بند کرنے کا اعلان
ناقص حکومتی پالیسی سے برآمدات میں 21 فیصد کمی ہوئی ہے، بھارت نے دھاگہ برآمد کر کے ٹیکسٹائل انڈسٹری کا بیڑہ غرق کر دیا ‘ عامر فیاض
منگل 13 اکتوبر 2015 22:34
لاہور(اُردو پوائنٹ اخبار تازہ ترین۔ 13 اکتوبر۔2015ء ) آل پاکستان ٹیکسٹائل ملز ایسوسی ایشن (آپٹما) نے ملک بھر میں آج بروز (بدھ ) کو صنعتیں بند کرنے کا اعلان کرتے ہوئے کہا کہ ناقص حکومتی پالیسی سے برآمدات میں مجموعی طور پر 21 فیصد کمی ہوئی ہے، بھارت نے دھاگہ برآمد کر کے ٹیکسٹائل انڈسٹری کا بیڑہ غرق کر دیا ہے ۔ ان خیالات کا اظہار انہوں نے گزشتہ روز اپٹما چیئرمین پنجاب عامر فیاض نے پریس کانفرنس کرتے ہوئے کیا انہوں نے کہا کہ حکومت نے ستمبر میں مسائل حل کرنے کی یقین دہانی کروائی تھی لیکن نتیجہ صفر رہا ، حکومت ملک کو قرضوں میں جکڑنے کی بجائے زر مبادلہ کمانے والی انڈسٹری پر توجہ دے ۔
دوسری جانب لاہور چیمبر آف کامرس اینڈ انڈسٹری نے بھی آپٹما سے اظہار یکجہتی کرتے ہوئے حکومت پر زور دیا ہے کہ وہ اہم برآمدی شعبے کے لیے جلد از جلد ریلیف پیکیج کا اعلان کرے۔(جاری ہے)
لاہور چیمبر کے صدر شیخ محمد ارشد نے کہا کہ زیادہ پیداواری لاگت اور دیگر مسائل کی وجہ سے نہ صرف پاکستانی ٹیکسٹائل مصنوعات عالمی منڈی میں اپنی جگہ کھورہی ہیں بلکہ بے روزگاری کا گراف بھی بڑھتا جارہا ہے۔
انہوں نے کہا کہ ملک بھر میں کم از کم چار سو ٹیکسٹائل ملز نے بطور احتجاج ایک روز کے لیے پیداوار بند رکھنے کا اعلان کیا ہے جس سے ایک طرف تو قومی خزانے کو اربوں روپے کا نقصان ہوگا اور دوسری طرف غیرملکی سرمایہ کاروں کو بھی منفی پیغام ملے گا۔ انہوں نے کہا کہ زیادہ پیداواری لاگت کی وجہ سے ٹیکسٹائل انڈسٹری کو پہلے ہی مسائل کا سامنا تھا، ایسے میں توانائی کا بحران جلتی پر تیل کا کام کررہا ہے لہذا حکومت کو وقت ضائع نہیں کرنا چاہیے۔ انہوں نے کہا کہ ملک کا سب سے بڑا برآمدی اور روزگار کی فراہمی کے حوالے سے دوسرا بڑا شعبہ ہونے کی حیثیت سے ٹیکسٹائل انڈسٹری کی بندش کے تباہ کن نتائج برآمد ہونگے۔ شیخ محمد ارشد نے کہا کہ اس وقت جب خطے کے دیگر ممالک تیزی سے ترقی کررہے ہیں، ہماری ٹیکسٹائل برآمدات میں کمی پالیسی سازوں کے لیے لمحہ فکریہ ہونا چاہیے۔مزید اہم خبریں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.