آئندہ حج کے موقع پر ملازمین کے لیے پہلے سے بہتر انتظامات کریں گے ،چیئرمین سی ڈی اے محمد معروف افضل
سی ڈی اے محنت کش خوش نصیب ہیں جو اﷲ تعالیٰ کے گھراور روضہ رسول ﷺ کی زیارت کر کے واپس آئے ہیں،چوہدری محمد یسیٰن
منگل 13 اکتوبر 2015 20:52
اسلام آباد ( اُردو پوائنٹ اخبار تازہ ترین۔ 13 اکتوبر۔2015ء) حج کی سعادت حاصل کرنے کے بعد دوسرے مرحلے میں وطن واپس پہنچنے والے سی ڈی اے ملازمین کا چیئرمین سی ڈی اے محمد معروف افضل ،ممبر قومی اسمبلی ملک ابرار احمد ،سی ڈی اے مزدور یونین کے جنرل سیکرٹری چوہدری محمد یسیٰن ،صدر اورنگزیب خان ،چیئرمین راجہ شاکر زمان کیانی ،چوہدری زاہد احمد ،عزت خان ،اظہر خان تنولی ،احمد علی شیرازی ،زاہد بھٹی ،ملک لطیف ،زاہد اعوان ،غلام مرتضی ،چوہدری ظفر ،ملک عرفان ،نوید عباسی ،ملک اکمل شہزاد ،ملک سرفراز،کامران رضا ،اسد محمود و دیگرمزدور یونین کے عہدیداران نے حجاج کرام کا استقبال کیا ،اس سلسلے میں تقریب جناح کنونشن سنٹر میں منعقد ہوئی ،اس موقع پر چیئرمین سی ڈی اے معروف افضل نے حاجیوں کا گرم جوشی سے استقبال کرتے ہوئے مصافحہ کیا ،تقریب سے خطاب کرتے ہوئے چیئرمین سی ڈی اے نے کہا کہ سی ڈی اے انتظامیہ آئندہ برس حج کے موقع پر اپنے ملازمین کے لیے پہلے سے بہتر انتظامات کرے گی اور وہ لوگ جو حج کے موقع پر شہید ہوئے وہ خوش قسمت لوگ ہیں جن کو اتنی مقدس جگہ پر دفن ہونے کی سعادت نصیب ہوئی ،ممبر قومی اسمبلی ملک ابرار احمد نے کہا کہ سی ڈی اے ملازمین خوش قسمت ہیں جنہیں چوہدری محمد یسیٰن جیسا قائد ملا جو دن رات اپنے محنت کشوں کی فلاح و بہبود کے لیے جدوجہد جاری رکھے ہوئے ہے اور وہ چیئرمین سی ڈی اے سمیت وہ تمام لوگ بھی مبارکباد کے مستحق ہیں جنہوں نے حاجیوں کے لیے بہتر سے بہتر انتظامات کرنے میں اپنا تعاون پیش کیا ،جنرل سیکرٹری سی ڈی اے مزدور یونین چوہدری محمد یسیٰن نے کہا کہ ہم حکومت پاکستان ،وزیر اعظم میاں نواز شریف ،وزارت مذہبی امور اور وفاقی وزیر سردار یوسف اور بالخصوص چیئرمین سی ڈی اے اور ممبر ایڈمن عامر علی احمد کے بھرپور شکرگزار ہیں جنہوں نے حج کے موقع پر سی ڈی اے ملازمین کو سہولیات فراہم کرنے میں اپنا بھرپور تعاون پیش کیا اور حاجیوں کے لیے بہترین انتظامات کیے ،آپ لوگ بہت خوش نصیب ہیں جو اﷲ تعالیٰ کے گھر اور روضہ رسول ﷺ کی زیارت کر کے وطن واپس آئے ہیں اﷲ تعالیٰ باقی لوگوں کو بھی حج کی سعادت نصیب ہونے کا موقع فراہم کرے ،اس موقع پر سعودی عرب میں شہید ہونے والے عازمین حج کی مغفرت کے لیے فاتحہ خوانی کی گئی اور ملک میں امن و امان و بھائی چارے ،دہشت گردی کے خاتمے ،ادارے کی بہتری اور مزدور یونین کے لیے خصوصی دعائیں مانگی گئیں ۔
متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.