سینیٹ کی قائمہ کمیٹی برائے قومی صحت کے اجلاس میں چیئرمین کمیٹی ساجد طوری اور کریم خواجہ کے درمیان تلخ جملوں کا تبادلہ
اجلاس میں سینیٹر خواجہ کا وزیر مملکت اور سیکرٹر ی صحت کی عدم موجودگی پر احتجاج ،انتہائی اہم اجلاس 2 ماہ بعد بلانے پر بھی تشویش
منگل 13 اکتوبر 2015 20:44
اسلام آباد(اُردو پوائنٹ اخبار تازہ ترین۔ 13 اکتوبر۔2015ء) سینیٹ کی قائمہ کمیٹی برائے قومی صحت کے اجلاس میں چیئرمین کمیٹی ساجد حسین طوری اور کمیٹی رکن کریم احمد خواجہ کے درمیان تلخ جملوں کا تبادلہ ‘ کریم احمد خواجہ نے چیئرمین کی جانب سے غیر پارلیمانی زبان کے استعمال پر ناراضگی کا اظہار کیا۔ اجلاس شروع ہوتے ہی کریم احمد خواجہ نے وزیر مملکت صحت اور سیکرٹر ی صحت کی عدم موجودگی پر اپنا احتجاج ریکارڈ کروایا۔
کمیٹی رکن نے انتہائی اہم اجلاس 2 ماہ بعد بلانے پر بھی چیئرمین کو اپنی تشویش سے آگاہ کیا او راس حوالے سے سینٹ میں تحریک استحقاق پیش کرنے کا عندیہ بھی دیا ۔ رکن کمیٹی عائشہ رضا فارو ق نے صحت سے متعلق بل بعض ممبران نے بل تاخیر سے موصول ہونے کی شکایت بھی کی۔(جاری ہے)
سینٹ کی قائمہ کمیٹی کا اجلاس چیئرمین کمیٹی ساجد حسین طوری کی صدارت میں ہوا۔ اجلاس میں عائشہ رضا فاروق نے صحت سے متعلق بل پیش کیا جس میں انہوں نے بل کے مندرجات بیان کئے اور کمیٹی کو بتایا کہ پاکستان میں 10 میں سے ا یک بہچہ اپنی پانچویں سالگرہ تک نہیں پہنچتا اور پہلے ہی فوت ہو جاتا ہے۔
40 لاکھ بچوں کی ویکسینیشن کے نہ پلانے پر اموات ہو جاتی ہیں اس بل کے ذریعے عوام میں شعور پیدا کرنا ہے کہ وہ اپنے بچو ں کو ویکسینیشن فراہم کریں۔ انہوں نے کہاکہ حکومت بھی ذمہ دار ہے مگر بچوں کے والدین بھی ذمہ دار ہیں ۔ والدین کی زیادہ ذمہ داری بنتی ہے بہت سی ایسی بیماریاں ہیں جن پر صرف ویکسینیشن کے ذریعے ہی قابو پایا جا سکتا ہے۔ وزیر مملکت برائے صحت سائرہ افضل تارڑ نے اس بل پر گفتگو کرتے ہوئے کہا کہ یہ بل متفقہ طو رپر منظور ہونا چاہیے کیونکہ اس سے صحت کے حوالے کام کرنے میں مدد ملے گی۔ پی ایم ڈی سی معاملہ جب کمیٹی میں زیر بحث آیا تو وزیر مملکت نے کہاکہ ہم سینٹ کے طرز پر پی ایم ڈی سی میں تمام اکائیوں کی نمائندگی رکھی ہے اور پی ایم ڈی سی آرڈیننس کو دونوں ایوانوں میں پیش کیا جائیگا۔ اگر کوئی اچھی تجویز آئی تو اس کو ضرور قبول کریں گے۔ وزیر مملکت کریم احمد خواجہ کے سوال پر انہوں نے کہا کہ اتنی دیر پیپلز پارٹی اکثریت میں رہی ہم چپ رہے او راس دور میں 100 سے زائد افراد کی کونسل بنائی گئی تھی اور ا بھی کل 35 ممبران ہیں ۔ اس سے قبل بھی عائشہ رضا فاروق کا بل تاخیر سے موصول ہونے کی شکایت پر عائشہ رضا فاروق نے کہا کہ ممبرز کو بل فراہم کیا گیا تھا ان کو تیاری کر کے آنی چاہیے تھی۔ اجلاس میں ایک عرضداشت کے حوالے سے بحث پر کمیٹی نے فارماسٹ کے سروس سٹرکچر میں تصحیح کرنے کی ہدایت کی۔ اجلاس میں ڈرگ ریگولیٹری اتھارٹی کے سی ای او نے بتایا کہ (ڈی آر اے پی) کے پاس اپنی عمارت نہیں ہے اور یہ ادارہ دیگر اداروں کی عمارتوں میں کام کر رہا ہے۔ پروسیسنگ پالیسی کے حوالے سے اجلاس کو آگاہ کیا گیا کہ 30 جون 2016ء تک ادویات کی قیمتوں کو منجمد کر دیا ہے اور سی پی ایل کے ساتھ منسلک کر کے قیمتوں میں کمی ہے جس پر سینیٹر کلثوم پروین نے کہاکہ قیمتیں کم ہونے کا اثر نظر نہیں آ رہا ہے جس پر ڈی آر اے پی نے بتایا کہ جو کمپنیاں قیمتی ں کم نہیں کریں گی ان کو شوکاز نوٹس جاری کیا جائیگامزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.