مشاہیرتحریک آزادی کی ناقابل فراموش خدمات اوربے مثال قربانیوں کے نتیجے میں پاکستان معرض وجود میں آیا
پیر 12 اکتوبر 2015 22:16
لاہور(اُردو پوائنٹ اخبار تازہ ترین۔ 12 اکتوبر۔2015ء) مشاہیرتحریک آزادی کی ناقابل فراموش خدمات اوربے مثال قربانیوں کے نتیجے میں پاکستان معرض وجود میں آیا۔راجہ امیر احمد خان آف محمود آباد نے قائداعظم کی ہدایت پر مسلم لیگ میں شامل ہوکر تحریکِ پاکستان میں پرجوش حصہ لیا۔ان خیالات کااظہارمسلم لیگ ہائی سکول ایمپریس روڈ لاہور کے ڈپٹی ہیڈ ماسٹر فرانسیس لوئیس نے ایوان کارکنان تحریک پاکستان‘ لاہور میں تحریک پاکستان کے رہنما راجہ امیر احمد خان آف محمودآباد کی 42ویں برسی کے موقع پر نئی نسل کو ان کی حیات و خدمات کے متعلق آگاہ کرنے کیلئے منعقدہ خصوصی لیکچر کے دوران کیا۔
اس لیکچر کااہتمام نظریہٴ پاکستان ٹرسٹ نے تحریک پاکستان ورکرز ٹرست کے اشتراک سے کیا تھا۔(جاری ہے)
اس موقع پراساتذہٴ کرام اور طلبہ کی کثیر تعدادبھی موجود تھی۔ پروگرام کا آغاز حسب معمول تلاوت قرآن حکیم‘ نعت رسول مقبول اور قومی ترانے سے ہوا۔فرانسیس لوئیس نے کہاآزادی کے پروانوں نے پاکستان کیلئے اپنا تن من دھن قربان کردیا۔ راجہ امیر احمد خان ریاست محمود آباد کے رئیس تھے۔
ان کے والد مہاراجہ علی محمد برصغیر پاک و ہند کے مشہور قومی رہنما تھے۔ وہ برطانوی سامراج کے مخالف تھے۔راجہ امیر احمد خان نے مسلم لیگ اور تحریک پاکستان میں پرجوش حصہ لیا۔آپ مسلم لیگ کے صف اول کے رہنما تھے۔ 1937ء میں مسلم لیگ کے سالانہ اجلاس منعقدہ لکھنو میں مجلسِ استقبالیہ کے صدر تھے۔ قائداعظم نے آپ کو آل انڈیا مسلم سٹوڈنٹس فیڈریشن کا صدر نامزد کیا۔ آپ نو سال تک فیڈریشن کے صدر رہے۔ اس منصب کو انہوں نے انتہائی جانفشانی سے نبھایا۔ 1945ء میں مرکزی اسمبلی کے لئے قائداعظم کی انتخابی مہم کے نگران تھے جو کامیابی سے ہمکنار ہوئی۔راجہ صاحب کو قائداعظم سے بڑی عقیدت تھی۔ قائداعظم کو بھی راجہ امیر احمد خان پر کامل اعتماد تھا۔آپ پاکستان کے اتحاد کے علمبردار تھے۔ راجہ امیر احمد خان کی شخصیت تحریکِ پاکستان کے خلوص و ایثار کا مظہر تھی۔ 12 اکتوبر 1973ء کو لندن ہی میں داعیٴ اجل کو لبیک کہا۔ وہ مشہد کے مقدس شہر میں مدفون ہیں ۔`مزید اہم خبریں
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
احسن اقبال کی زیرصدرات اجلاس ، قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ لیا گیا
-
حکومت کا حج پر نہ جانے والے افراد سے بھی لاکھوں روپے وصول کرنے کا فیصلہ
-
پی ڈی ایم کی جماعتیں پچھلی حکومت گرانے پر قوم سے معافی مانگیں
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.