ہماری پہلی ترجیح تعلیم اور صحت کی بحالی اور ترقی ہے ، رحمت صالح بلوچ
صوبے میں تین نئے میڈیکل کالجز کا قیام عمل میں آچکا ، اگلے سال مارچ سے کلاسز کا آغاز بھی ہوجائیگا ، صوبائی وزیر
پیر 12 اکتوبر 2015 21:38
کوئٹہ( اُردو پوائنٹ اخبار تازہ ترین۔ 12 اکتوبر۔2015ء ) انسٹیٹیوٹ آف میڈیکل سائنسز کوئٹہ کینٹ میں صوبائی حکومت کی جانب سے فراہم کردہ بس کی حوالگی کے حوالے سے تقریب کا انعقاد کیاگیا جس کے مہمان خصوصی صوبائی وزیر صحت رحمت صالح بلوچ تھے اس موقع پر بریگیڈئیر محمد رمضان بریگیڈئیر آئی ایس،پرنسپل پروفیسر ڈاکٹر ارباب عبدالودود،کمانڈنٹ سی ایم ایچ بریگیڈئیر محمد جنید خان تمغہ امتیاز(ملٹری)، کمانڈنٹ کیمز بریگیڈئیر محمد علیم ودیگر سینئر فیکلٹی ممبران طلباء وطالبات بھی موجود تھے تقریب کا آغاز تلاوت کلام پاک سے ہوا تقریب سے استقبالیہ خطاب کرتے ہوئے پرنسپل پروفیسر ڈاکٹر ارباب عبدالودود نے کالج کی کارکردگی اور صوبائی حکومت کے تعاون پر تفصیلی روشنی ڈالی تقریب سے خطاب کرتے ہوئے صوبائی وزیر صحت رحمت صالح بلوچ نے کہا کہ آج کی اس پروقار تقریب میں تشریف فرما معززین اور تمام طلباء وطالبات کا شکریہ ادا کرتا ہوں میرے لئے بحیثیت سیاسی طالب علم اور قومی نمائندے کے باعث فخر ہے کہ مجھے تقریب میں مدعو کیاگیا ہے ہماری پہلی ترجیح تعلیم اور صحت کی بحالی اور ترقی ہے پسماندگی ،غربت،بدامنی ،بے روزگاری ودیگر مسائل اپنی جگہ ہیں مگر ہماری پہلی ترجیح آنیوالی نسلوں کو تمام برائیوں سے بچانا ہے آج تمام ادارے ایک پیج پر ہیں اور مل بیٹھ کر ملک وصوبے کی ترقی کیلئے اپنا کردارادا کررہے ہیں ہم پرانی باتوں کو چھوڑ کر آگے بڑھنے اور ایک نئے پاکستان اور نئے بلوچستان کیلئے جدوجہد کررہے ہیں ہماری ذمہ داری ہے کہ ذاتیات اور مفاد پرستی سے ہٹ کر ہم بھائیوں کو ساتھ لیکر چلیں اور یکجہتی کااظہار کریں ملک وصوبے کی بہتری کیلئے میری کوشش ہے کہ میں اپنا کردارادا کروں میری گذارشات یہ ہیں کہ سیاسی جدوجہد ایک عبادت ہے ہر انسان کا معاشرے میں کردار ہوتا ہے اور ہر انسان اپنے ادارے کی فعالیت کیلئے کردارادا کرتا ہے صوبائی حکومت کی کارکردگی گذشتہ 65سال کی حکومتوں سے کافی مختلف ہے صوبے میں صرف ایک ہی میڈیکل کالج تھا ہم نے اقتدار سنبھالا تو بے پناہ مسائل کا سامنا تھا ہسپتالوں میں بنیادی سہولیات اوردیگر ضروری مشینریاں نہیں تھیں بولان میڈیکل کمپلیکس میں کارڈیک یونٹ موجود نہیں تھا پرائیویٹ اور تجارت مافیا نے صوبے کی تباہی وبربادی میں کوئی کسر اٹھا نہ رکھی تھی لیکن الحمد اﷲ اس وقت صوبے میں تین نئے میڈیکل کالجز کا قیام عمل میں آچکا جس میں اگلے سال مارچ سے کلاسز کا آغاز بھی ہوجائیگا ہم نے سالانہ بجٹ میں صحت اور تعلیم کے بجٹ میں خاطر خواہ اضافہ کیا ہے صوبائی حکومت کی بہتر حکمت عملی اور تعلیم دوستی کی وجہ سے سولہ سال بعد بی ایم سی کے کانووکیشن کا انعقا دکیاگیا تمام تر مصروفیات کو پس پشت ڈال کر میں آج اس تقریب میں شرکت کرنے پر انتہائی خوش اور فخر محسوس کررہا ہوں تعلیمی پسماندگی کو مدنظررکھتے ہوئے میں اپنا بھرپور کردارادا کرونگا ۔
(جاری ہے)
متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.