پی ٹی سی ایل انتظامیہ ملازمین کی تنخواہوں میں اضافہ اور سکیلوں پر نظر ثانی سے انکاری ہے
متاثرہ ملازمین کا وزیراعظم سے پی ٹی سی ایل کی انتظامیہ کی زیادتیوں کا نوٹس لینے اور انصاف کی فراہمی کا مطالبہ
جمعرات 8 اکتوبر 2015 22:58
اسلام آباد ( اُردو پوائنٹ اخبار تازہ ترین۔ 08 اکتوبر۔2015ء) پاکستان ٹیلی کمیونیکیشن کمپنی لمیٹڈ (پی ٹی سی ایل) کے ملازمین نے وزیراعظم نوازشریف سے پی ٹی سی ایل کی انتظامیہ کی زیادتیوں کا نوٹس لینے اور انصاف فراہم کرنے کا مطالبہ کرتے ہوئے کہا ہے کہ پی ٹی سی ایل انتظامیہ ملازمین کی تنخواہوں میں اضافہ، سکیلوں پر نظر ثانی ، 12فیصد حصص دینے اور بے نظیر سکیم کے تحت حصص پر منافع دینے اور حکومت کی متعین کردہ شرح کے مطابق ہاؤس رینٹ دینے سے انکاری ہے۔
پی ٹی سی ایل ملازمین کا کہنا ہے کہ مینجمنٹ گزشتہ 8 برسوں میں سرکاری مراعات بشمول حکومتی مقرر کردہ کنوینس الاؤنس ملازمین کو دینے میں ناکام رہی ہے۔ جبکہ 2008 سے لے کر 2015 تک کے بقایاجات بھی ملازمین کو ادا نہیں کیے۔ ملازمین کے مطابق پی ٹی سی ایل کا چارج اتصالات نامی خلیجی ٹیلی کام کمپنی نے سنبھالا تھا۔(جاری ہے)
حکومت پاکستان اور اتصالات کے مابین معاہدہ کے مطابق واضح طور پر کہا گیا تھا کہ کوئی بھی پی ٹی سی ایل میں کام کرنے والے ملازمین کی سرکاری حیثیت ختم نہیں کر سکتا۔
جبکہ ادارہ کی صرف کمپنی کے طور پر حیثیت ہو گی اور پی ٹی سی ایل کے ملازمین کی حیثیت سرکاری ملازمین کی سی رہے گی جنہیں سرکاری ملازمین کے سکیلوں کے مطابق ہی تنخواہیں اور مراعات ملیں گی۔ لیکن ملازمین کے حقوق ادا نہیں کئے جا رہے ہیں۔نتیجتاً ملازمین اور ان کے زیر کفالت افراد شدید مشکلات کا شکار ہیں۔ بچوں کی صحت اور تعلیم بارے عدم تحفظ کا شکار ہو چکے ہیں۔ پی ٹی سی ایل کے ملازمین نے وزیر اعظم نواز شریف اور وزیر خزانہ اسحاق ڈار سے اپیل کی ہے کہ حکومت پی ٹی سی ایل انتظامیہ کو معاہدہ پر عملدرآمد کرنے کا پابند بنائے جس نے ملازمین کو سرکاری سکیل، الاؤنسز اور دیگر مراعات بارے حکومتی احکامات پر عملدرآمد نہ کر کے حکومتی رٹ کو بھی چیلنج کیا ہے۔مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.