اب تو یوٹرن لینے پر عمران خان کو پسینہ بھی نہیں آتا ،پاکستان کو سیاسی زلزلوں سے بچانے کی ضرورت ہے، عمران خان کی پالیسی پاکستان کے مفادات کو نقصان پہنچا رہی ہے،عطیہ د ینے والا عطیہ لینے والے سے اپنا کام بھی کراتا ہے، ملک میں سیاسی و معاشی استحکام کیلئے مل کر کا م کیاجانا چاہئے
وفاقی وزیر برائے منصوبہ بندی و ترقی احسن اقبال کی نجی ٹی وی سے گفتگو
جمعرات 8 اکتوبر 2015 22:56
اسلام آباد (اُردو پوائنٹ اخبار تازہ ترین۔ 08 اکتوبر۔2015ء) وفاقی وزیر برائے منصوبہ بندی و ترقی احسن اقبال نے کہا ہے کہ اب تو یوٹرن لینے پر عمران خان کو پسینہ بھی نہیں آتا،جو عطیہ دیتا ہے وہ عطیہ لینے والے سے اپنا کام بھی کراتا ہے،آج پاکستان کو سیاسی زلزلوں سے بچانے کی ضرورت ہے،بدقسمتی سے عمران خان کی پالیسی پاکستان کے مفادات کو نقصان پہنچا رہی ہے، ملک کو اس وقت سیاسی و معاشی استحکام کی ضرورت ہے ۔
وہ جمعرات کو نجی ٹی وی سے گفتگو کر رہے تھے۔ احسن اقبال نے کہا کہ یہ پہلا موقع نہیں کہ تحریک انصاف کے چیئرمین عمران خان نے یوٹرن لیا ہو، خان صاحب تو اتنے یو ٹرن لے چکے ہیں کہ اب اگر وہ یوٹرن لیں تو انہیں شرم آتی اور نہ انہیں پسینہ آتا ہے حالانکہ سب کچھ ریکارڈ پر ہوتا ہے اس کے باوجود بھی وہ یوٹرن لینے سے نہیں گھبراتے۔(جاری ہے)
انہوں نے کہا کہ عمران خان کے کسی بھی بیان کو لوگوں نے سنجیدگی سے لینا چھوڑ دیا ہے۔
غیر ملکی فنڈنگ کے حوالے سے گفتگو کرتے ہوئے احسن اقبال نے کہا کہ جو عطیہ دیتا ہے وہ عطیہ لینے والے سے اپنا کام بھی کراتا ہے، اسی وجہ سے عمران خان نے یقینی بنایا کہ چین کے صدر شی چن پنگ دورہ پاکستان پر نہ آ سکیں، بدقسمتی سے عمران خان کی پالیسی پاکستان کے مفادات کو نقصان پہنچا رہی ہے۔ انہوں نے کہا کہ آج پاکستان کو سیاسی زلزلوں کی ضرورت نہیں ہے بلکہ سیاسی و معاشی استحکام کی ضرورت ہے تا کہ ملک ترقی کی راہ پر گامزن ہو سکے۔ انہوں نے کہا کہ اقتصادی راہداری سے ایک طرف سے پاکستان کے دشمنوں کی نیندیں اڑی ہوئی ہیں اور دوسری طرف عمران خان سخت پریشان ہیں۔ وفاقی وزیر احسن اقبال نے وزیراعظم نواز شریف کے ٹیکس ادا کرنے کے حوالے سے بتایا کہ وزیر اعظم نواز شریف نے جون 2015ء تک 42 لاکھ روپے کا ٹیکس ادا کیا ہے۔متعلقہ عنوان :
مزید اہم خبریں
-
وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
-
بانی پی ٹی آئی کا چیف جسٹس سپریم کورٹ فائزہ عیسی کے نام خط
-
ایک باپردہ گھریلو خاتون کو بیگناہ پابند سلاسل رکھا گیا ہے
-
ایکسپورٹ کنٹرول کے سیاسی استعمال کو مسترد کرتے ہیں، پاکستان کا امریکی اقدام پر ردعمل
-
دبئی میں سیلابی صورتحال کی وجہ مصنوعی بارش؟
-
ماہانہ 20 لاکھ روپے تک کی تنخواہ پر نئی تعیناتیوں کی راہ ہموار ہو گئی
-
پاکستان آئی ایم ایف کے طویل بیل آؤٹ پروگرام کا خواہاں ہے، وزیرخزانہ
-
عدالت کے حکم پر بشریٰ بی بی کا نجی اسپتال میں میڈیکل چیک اپ
-
پی آئی آے کے شیئر ہولڈرز کی اکثریت نے پی آئی اے ہولڈنگ کمپنی کے حق میں فیصلہ سنا دیا
-
صدرمملکت آصف علی زرداری نے سینیٹ اجلاس 25 اپریل کو طلب کر لیا
-
پی آئی اے کا پیرس کو یورپی فلائٹ آپریشن کے لیے حب بنانے کا فیصلہ
-
کچے میں ظلم ہورہا ہے، سندھ پولیس ہمارے پیچھے پڑی ہے، حلیم عادل شیخ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.