ایس ایچ اوکی جانب سے اختیارات کے غلط استعمال پر محتسب پنجاب کا نوٹس ‘ آئی جی سے رپورٹ طلب
ملزمان کی سرپرستی ،مدعیان کو دھمکیاں، ایک سال گزر جانے کے باوجود ایف آئی آر درج نہ کرنے کاالزام ایس ایچ او نے رشوت لیکر سرکاری ڈیوٹی اوراعتکاف میں بیٹھے افراد کے خلاف جھوٹامقدمہ درج کرکے گرفتارکیا ڈی پی او بہاولپور اوراے ایس پی احمد پور شرقیہ حقائق سامنے آنے کے باوجود متاثرین کو انصاف دلانے میں ناکام رہے
جمعرات 8 اکتوبر 2015 18:38
لاہور(اُردو پوائنٹ اخبار تازہ ترین۔ 08 اکتوبر۔2015ء ) محتسب پنجاب جاوید محمودنے تھانہ چنی گوٹھ ضلع بہاولپور کے ایس ایچ او کی جانب سے اختیارات کے غلط استعمال ، ملزمان کی سرپرستی کر کے مدعیان کو دھمکیاں دینے، ایک سال سے زائد عرصہ گزر جانے کے باوجود وقوعہ کی ایف آئی آر درج نہ کرنے اور اعلیٰ حکام کو بار بار درخواست کے باوجود کارروائی نہ کئے جانے کی خبروں پر نوٹس لیتے ہوئے انسپکٹر جنرل پنجاب پولیس اور ڈی پی او بہاولپور سے رپورٹ طلب کر لی۔
ایک قومی روزنامے میں شائع ہونے والی خبر کے مطابق تھانہ چنی گوٹھ ضلع بہاولپور میں بااثر افراد نے ایک غریب کاشتکار سیف اﷲ کی دھان کی فصل تباہ کر دی اور روکنے پر نہ صرف کاشتکار بلکہ اسے چھڑانے کیلئے آنے والوں کو بھی شدید تشدد کا نشانہ بنایا، گھروں میں گھس کر خواتین اور بچوں پر ظلم کیااور شدید فائرنگ اور لوٹ مار کی۔(جاری ہے)
معززین علاقہ کی جانب سے ایس ایچ او تھانہ چنی گوٹھ کو دی جانے والی درخواست اور بار بار تھانے کے چکر لگانے کے باوجود ملزمان کے خلاف ایک سال سے زائد عرصہ گذر جانے کے باوجودمقدمہ درج نہ کیا گیا۔
خبر کے مندراجات کے مطابق ایس ایچ او چنی گوٹھ شبیر احمد نے ملزمان سے ساز باز کر کے مبینہ طور پر لاکھوں روپے رشوت لی اور متاثرین کے علاوہ ایسے افراد کے خلاف بھی ایک جھوٹا مقدمہ درج کر کے گرفتار کر لیا جن میں سے کچھ سرکاری ڈیوٹی پر اور چند اعتکاف میں بیٹھے ہوئے تھے۔ متاثرین نے ڈی پی او بہاولپور اور آئی جی پنجاب کو متعدد درخواستیں دیں جن پر اے ایس پی احمد پور شرقیہ مہروز علی کو انکوائری افسر مقرر کیا گیا لیکن حقائق سامنے آنے کے باوجود اے ایس پی احمد پور شرقیہ اور ڈی پی او بہاولپورمتاثرین کو انصاف دلانے،ایک سال سے زائد عرصہ گذرجانے کے باوجود ایف آئی آر درج کرنے اور اختیارات سے تجاوز کرنے والے ایس ایچ او کے خلاف کارروائی میں ناکام رہے۔ محتسب پنجاب نے بدانتظامی کا نوٹس لیتے ہوئے آئی جی پنجاب اور ڈی پی او بہاولپور سے 15دن کے اندر رپورٹ طلب کر لی ہے۔متعلقہ عنوان :
مزید اہم خبریں
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.