لاہور کی تمام عدالتوں کا یکجا کرنے کا عمل مکمل کر لیا گیا،، لاہور بھر میں بکھری ہوئی احتساب ، سینٹرل اور ڈرگ عدالتوں کولاہور کے نئے جوڈیشل کمپلیکس میں شفٹ کرنے کا عمل جاری،بار ہ اکتوبر تک شفٹنگ کا عمل مکمل کر لیا جائے گا۔

عمر جمشید جمعرات 8 اکتوبر 2015 14:57

لاہور(اُردو پوائنٹ اخبار تازہ ترین۔ 08 اکتوبر۔2015ء) لاہور بھر میں بکھری ہوئی عدالتوں کوسول سیکرٹریٹ پنجاب کے بالمقابل واقعہ سیشن کورٹ کے قریب نئے جوڈیشل کمپلیکس میں شفٹ کیا جا رہا ہے۔عدالتوں کی شفٹنگ کا عمل تیزی سے جاری ہے اور شفٹنگ کا یہ عمل بارہ اکتوبر سے قبل مکمل کر لیا جائے گا۔لاہور ہائیکورٹ کے چیف جسٹس منظور احمد ملک عدالتوں کی شفٹنگ کا عمل مکمل ہونے کے بعد بارہ اکتوبر کو افتتاح کریں گے۔

(جاری ہے)

عدالتوں کو یکجا کرنے کے منصوبے کے تحت لاہور کی احتساب عدالتوں،سینٹرل کورٹس،بینکنگ کرائم کورٹس،تحفظ پاکستان عدالت،ڈرگ کورٹس،صارف عدالتوں،اینٹی نارکوٹکس عدالتوں،کسٹم ٹیکسیشن اور اینٹی سمگلنگ کی عدالتوں کو نئے جوڈیشل کمپلیکس میں شفٹ کیا جا رہا ہے۔عدالتوں کے یکجا کرنے سے سائلین اور وکلائ کے مسا ئل میں کمی آئے گی اور انہیں مختلف عدالتوں کے لئے دور دراز کے چکر نہیں لگانے پڑیں گے جبکہ وقت کی بھی بچت ہو گی۔

Facebook Twitter Google + Share on Whatsapp

متعلقہ عنوان :

مزید اہم خبریں