لاہور اور اوکاڑا کے دنگل شیر ہی جیتیں گے ، جنونیو ں کو علاج کی ضرورت ہے ‘ زعیم قادری ،مسلم لیگ (ن) عوامی خدمت کے بل بوتے پر الیکشن جیتے گی ، اکاڑا کے عوام نے پی ٹی آئی کی کسان دشمن لیڈر شپ کو مستر دکردیا،یقینی شکست سامنے دیکھ کر پی ٹی آئی رہنماؤں نے الزام تراشی شروع کردی،زندگی دوسروں کی خامیو ں پر نہیں اپنی خوبیوں پر بسر کی جاتی ہے،پی ٹی آئی ضمنی الیکشن ہارنے کی تین ہیٹرک مکمل کرے گی ،پنجاب میں میٹرو بس بھی چلتی اور دانش سکول بھی قائم ہوئے
بدھ 7 اکتوبر 2015 23:50
لاہور(اُردو پوائنٹ اخبارتازہ ترین - این این آئی۔7اکتوبر۔2015ء) حکومت پنجاب کے ترجمان و ممبر پنجاب اسمبلی سید زعیم حسین قادری نے کہاہے کہ اوکاڑا میں حاضرین کی مایوس کن تعداد دیکھ کر عمران خان حواس باختہ ہوچکے ہیں ،اوکاڑا کے باشعور عوام نے کسان دشمن پارٹی کو مسترد کردیا - سید زعیم حسین قادری نے عمران خان اور دیگر کے بیانا ت پر تبصرہ کرتے ہوئے کہاکہ لاہور اور اوکاڑا کے دنگل شیر ہی جیتیں گے ،جنونیوں کو علاج کی ضرورت ہے اوکاڑا میں مسلم لیگ (ن) کا امیدوار بھاری اکثریت سے کامیاب ہوگا -سید زعیم قادری نے کہاکہ عمران خان صاحب زندگی دوسروں کی خامیوں پر نہیں اپنی خوبیوں پر بسر کی جاتی ہے -دوسروں پر الزام تراشی کی بجائے اپنے کارناموں کا ذکر کرنا سیکھیں - انہو ں نے کہاکہ مسلم لیگ (ن) کی حکومت نے میٹرو بس سروس کے ساتھ ساتھ تعلیم کے شعبے میں انقلابی اقدامات کئے ہیں -پنجاب میں میٹرو بس بھی چلتی ہے اور نادارطلباء کے لئے دانش سکول بھی قائم ہوئے ہیں - 14 ارب روپے کے پنجاب ایجوکیشنل انڈوومنٹ فنڈسے طلباء کی مالی معاونت کی جارہی ہے - زعیم قادری نے کہاکہ دھرنا پارٹی جس اسمبلی کو جعلی کہتی تھی اب اس میں جانے کیلئے کیوں مری جاری ہے -پی ٹی آئی جیت جائے تو الیکشن شفاف ہار جائے تو دھاندلی ہوجاتی ہے -1 1 اکتوبر کو الیکشن ہارنے کے بعد دھاندلی ڈرامہ دوبارہ شروع ہوگا - پی ٹی آئی رہنماؤں نے یقینی شکست سامنے دیکھ کر مسلم لیگ (ن) پر الزام تراشی شروع کردی - پی ٹی آئی کی طرف سے الیکشن کو خونی بنانے کی سازش ناکام بنادیں گے - انہو ں نے کہاکہ تبدیلی اور انقلاب کے کھوکھلے نعرے نقش برآب ثابت ہوئے عمران خان نے سیاست میں گالم گلوچ کاکلچر متعارف کروایاہے - انہوں نے کہاکہ مسلم لیگ (ن) عوامی خدمات کے بل بوتے پر الیکشن جیتے گی ، پی ٹی آئی ضمنی الیکشن ہارنے کی تیسری ہیٹرک مکمل کرے گی-
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.