رواں سال پاکستان میں کپاس کی پیدوارگیارہ فیصد کم رہنے کا امکان

قابل کا شت اراضی میں کمی کے باعث چین ،بھارت سمیت دیگر ممالک میں بھی کپاس کی پیداوار کم رہے گی ٗ انٹرنیشنل کاٹن ایڈوائزری کمیٹی

اتوار 4 اکتوبر 2015 16:40

اسلام آباد(اُردو پوائنٹ اخبار تازہ ترین۔ 04 اکتوبر۔2015ء) رواں سال پاکستان میں کپاس کی پیدوارگیارہ فیصد کم رہنے کا امکان ہے، انٹرنیشنل کاٹن ایڈوئزری کمیٹی کے مطابق قابل کا شت اراضی میں کمی کے باعث چین اور بھارت سمیت دیگر ممالک میں بھی کپاس کی پیداوار کم رہے گی،انٹرنیشنل ایڈوائز ری کمیٹی کے مطابق رواں سال عالمی سطح پرکپاس کے قابل کاشت رقبے میں سات فیصد کمی آ سکتی ہے جس کے باعث کپاس کی عالمی پیدوار بھی نو فیصد کم رہنے کا امکان ہے، چین میں کپاس کا پیدواری حجم سولہ فیصد کمی سے چون لاکھ ٹن ٗ بھارت میں دو فیصد کمی سے چونسٹھ لاکھ ٹن متوقع ہے،، کمیٹی کے مطابق 2015-16 کیلئے پاکستان میں کپاس کی پیدوارگیارہ فیصد کمی سے 21لاکھ ٹن رہے گی، زرعی ماہرین کے مطابق فصلوں کی کاشت میں موسمی تغیرات اور قابل کاشت اراضی میں کمی سمیت بلند پیدواری لاگت بھی اہم مسئلہ ہے جسے حل کرنے کی اشد ضرورت ہے۔