چائنہ میں اپنی ہی طرز کا پہلا کانچ کا پُل سیاحوں کے لیے کھول دیا گیا

فہد شبیر جمعرات 24 ستمبر 2015 23:47

حنان(اُردو پوائنٹ اخبارتازہ ترین۔24ستمبر۔2015ء)آپ نے دنیا کے مختلف کونوں میں مختلف انوا ع کے پُلو ں سے متعلق سُنا ہو گا اور عین ممکن ہے کہ ان میں سے کچھ کو دیکھا بھی ہو لیکن چائنہ میں اپنی ہی طرز کا پہلا پُل تعمیر کیا گیا ہے۔ اس پُل کی خاصیت ہے کہ اسے شفاف کانچ سے بنایا گیا ہے جس کے آر پار بآسانی دیکھا جا سکتا ہے۔ مذکورہ پُل کو 24 ستمبر 2015ء کو سیاحوں کے لیے کھول دیا گیا ہے۔

(جاری ہے)

چینی میڈیا کی جانب سے سیاحوں کے کچھ تاثرات کی تصاویر بھی جاری کی گئی ہیں جن سے یہ صاف ظاہر ہوتا ہے کہ سیاح اس پُل پر چہل قدمی یا اسے عبور کرنے میں خاصا خوف محسوس کرتے ہیں۔ چائنہ میں بنایا گیا یہ منفرد پُل تین سو میٹر لمبا جبکہ سطح زمین سے ایک سو اسی میٹر اُونچا ہے۔چائنہ میں بنا یہ منفرد پُل وسطی چائنہ کے صوبے حنان میں شینوزائی نیشنل جیولوجیکل پارک کے اندر تعمیر کیا گیا ہے جسے سیاحوں کے لیے بروز جمعرات کھولا گیا۔

Facebook Twitter Google + Share on Whatsapp

چائنہ میں اپنی ہی طرز کا پہلا کانچ کا پُل سیاحوں کے لیے کھول دیا گیا

مزید عجیب و غریب خبریں