وفاقی دارالحکومت اسلام آباد اور جڑواں شہر راولپنڈی سمیت پشاور سے کراچی تک عیدالاضحی کی تیاریاں عروج پرپہنچ گئیں
بدھ 23 ستمبر 2015 11:09
اسلام آباد،راولپنڈی، لاہور ،کراچی (اُردو پوائنٹ اخبار تازہ ترین۔ 23 ستمبر۔2015ء) وفاقی دارالحکومت اسلام آباد اور جڑواں شہر راولپنڈی سمیت پشاور سے کراچی تک عیدالاضحیٰ کی تیاریاں عروج پرپہنچ گئی ہیں۔ بچوں اور بڑوں سمیت سبھی کا اِن دنوں ایک ہی مشغلہ ہے۔ منڈی کے پھیرے لگانا اور قربانی کے لئے جانوروں کی خریداری کرنااور ان کو گلی گلی کوچہ کوچہ پھرانا۔
دن اور رات کا کوئی پہر ایسا نہیں ہوتا جب منڈی سے لیکر سہراب گوٹھ تک اور سہراب گوٹھ سے لیکر شہر کے دیگر علاقوں اور شاہراوٴں تک جانوروں سے لدی ان گنت سوزوکیوں اور ٹرکوں سے ٹریفک بلاکا جام نہ ہو۔ منتوں کا سفر کئی کئی گھنٹوں میں طے ہو رہا ہے۔شہر کا کوئی گلی کوچہ ایسا نہیں جہاں گائے اور بکرے نہ بندھے ہوں۔ جگہ جگہ گھاس، چارے، چوکر، کٹی، بھوسے اور جنتر کی عارضی دکانیں لگی ہیں۔(جاری ہے)
جنرل اسٹورز پر مختلف برانڈز کے مصالحوں کو الماریوں اور درازوں سے باہر نکال کرنئے اور دلکش اسٹائل میں سجادیا گیا ہے تاکہ گاہک کو دور سے ہی مصالحوں کی خریداری پر راغب کیا جاسکے۔
سیل بڑھانے کے لئے ’بائے ون گیٹ ون فری‘ جیسی اسکیمیں شروع ہیں۔بیکریوں کے باہر بکرے کی ران راسٹ کرانے کے بینرز لگے ہیں۔ لوگوں کو قصابوں سے ’اپائنٹمنٹ‘ نہیں مل رہا۔ گوشت رکھنے کے لئے چٹائیوں کی دکانوں پر بھی خریداروں کا رش ہے۔ٹوکریاں اور شاپنگ بیگز کے بھی دام اور ڈیمانڈ بڑھ چکی ہے۔اسلام آباد میں اگرچہ پردیسیوں کے چلے جانے سے رونقیں ماند پڑ گئی ہیں تاہم جو لوگ موجود ہیں وہ اس ویرانی اور سنسانی سے فائدہ اٹھاتے ہوئے اپنے جانوروں کو ان علاقوں میں بھی گھما رہے ہیں جہاں پہلے ان کے لئے یہ ممکن نہ تھا۔راولپنڈی کے راجہ بازار اور دیگر مقامات پر چھریاں ،کانٹے ،انگیٹھیاں اور دیگر اشیاء کی مانگ بڑھ چکی ہے جبکہ چھریاں تیز کرنے والوں کی بھی چاندی ہوگئی ہے۔ قصاب کم پڑنے کی وجہ سے نواحی شہروں سے ”نیم قصابوں“ کی بڑی تعداد بھی جڑواں شہروں میں عید کمانے کے لئے آن پہنچی ہے جبکہ پردیسیوں کی روانگی کی وجہ سے بس اڈوں پر شدید رش دیکھا جا رہا ہے۔بسوں والے من مانے کرائے وصول کرنے کے باوجود سواریوں کو چھت پر سفر کرنے پر مجبور کرتے نظر آتے ہیں جبکہ انہوں نے اس مقصد کے لئے پولیس اور انتظامیہ سے بھی مک مکا مکمل کر لیا ہے اور انہیں بھی معقول حصہ دے کر رعائت لے رہے ہیں۔متعلقہ عنوان :
مزید اہم خبریں
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
-
سولرپینل بنانے والوں کو 10 سالہ مراعات دینے کی پالیسی تیار
-
پاکستان ایران نئے معاہدوں پرپیشرفت ہوئی تو پابندیاں لگ سکتی ہیں، امریکہ کی پھردھمکی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.