ایلان کردی کی موت دنیائے عالم کے حکمرانوں کی ہٹ دھرمی ،اناپرستی اورانسان دشمنی کا منہ بولتا ثبوت ہے،غنویٰ بھٹو
ہفتہ 5 ستمبر 2015 18:34
کراچی (اُردو پوائنٹ اخبار تازہ ترین۔ 05 ستمبر۔2015ء) پاکستان پیپلز پارٹی ( شہید بھٹو ) کی چیئرپرسن محترمہ غنویٰ بھٹونے کہا ہے کہ ایلان کردی کی موت اسلام کے نام پر انسانیت کو قتل کرنے والے دہشتگردوں اور دنیائے عالم کے حکمرانوں کی ہٹ دھرمی ،اناپرستی اورانسان دشمنی کا منہ بولتا ثبوت ہے اوریورپی ممالک سمیت تمام بین الاقوامی برادری کا ضمیرجھنجھوڑنے کیلئے معصوم ایلان کردی کی لاش ایک چیلنج ہے لیکن بہتر ہوتا کہ اقوام متحدہ، یورپین یونین سمیت تمام بین الاقوامی ادارے مسئلے کی سنگینی کو محسوس کرتے ہوئے شامی پناہ گزینوں کے مسئلے کا بروقت حل تلاش کر تے تو ایلان کردی سمیت ہزاروں بچوں ،عورتوں اور بوڑہوں کو موت کے منہ میں جانے سے بچایا جاسکتا تھا ․ سترکلفٹن سے جاری ہونے والے ایک بیان میں اقوام متحدہ کی جانب سے یورپین یونین کو شامی پناہ گزینوں کو جگہ فراہم کرنے کے احکامات جاری کرنے کا خیر مقدم کرتے ہوئے محترمہ غنویٰ بھٹو نے مزید کہا کہ امریکی جارحیت اور غیر قانونی مداخلت کے بعدپیدا ہونے والے بحران کے بعد مشرق وسطیٰ کی ابتر صورتحال کے پیش نذر یہ بات ثابت ہوچکی ہے کہ امریکا اور ان کے اتحادیوں کی بے جا مداخلت اور اپنی پسندکے حکمرانوں کو مسند اقتدار پر فائض کرنے سے وہاں پر قتل عام شروع ہوچکا ہے جو ختم ہونے کا نام ہی نہیں لیتا اوروہاں انسانیت خطرے میں پڑ گئی ہے جس پرمذکورہ سامراجی قوتوں کو دنیا کے مظلوموں سے معافی مانگتے ہوئے آئندہ کسی ملک کے اندرونی معاملات میں مداخلت نہ کرنے کا اعلان کرنا چاہئے ورنہ وہ دن دور نہیں جب مذکورہ قوتیں اپنے پیدا کردہ بحران کے خود زد میں آجائیں․ محترمہ غنویٰ بھٹو نے تمام بین الاقوامی برادری پر زور دیاہے کہ مشرق وسطیٰ کے مسئلے کے پر امن حل کیلئے مذہبی بنیاد پرست تنظیموں کے حامی ممالک اور افراد کی بیخ کنی کرتے ہوئے قیام امن کیلئے سنجیدہ اور ٹھوس حکمت عملی اپنائیں۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.