کراچی آپریشن کو دو سال مکمل ، 550 ٹارگٹ کلر ،343 بھتہ خور،913 دہشتگرد گرفتار ہوئے

ہفتہ 5 ستمبر 2015 16:50

کراچی(اُردو پوائنٹ اخبار تازہ ترین۔5ستمبر2015ء) کراچی آپریشن کے دو سال مکمل ، اس دوران ساڑھے پانچ سو ٹارگٹ کلرز ، تین سو تینتالیس بھتہ خور ، 913 دہشت گرد گرفتار کئے گئے ، 27 رینجرز اور 232 پولیس اہلکاروں نے جان کی قربانی دی۔ کراچی کی روشنیاں بحال کرنے کے لئے حکومتی اور سیکورٹی اداروں کی کوششیں جاری ہیں ۔ آپریشن کو دو سال مکمل ہو گئے ہیں۔

پولیس اور رینجرز حکام نے کراچی میں قیام کی کوششوں کے حوالے سے بریفنگ دی۔ رینجرز کے کرنل امجد نے بتایا کہ شہر قائد میں اب تک ساڑھے پانچ سو ٹارگٹ کلرز ، تین سو تینتالیس بھتہ خور اور 913 دہشت گرد گرفتار کئے جا چکے ہیں۔ شہر میں امن کے لئے رینجرز کے تئیس جوانوں٘ نے جانیں قربان کی ہیں ۔ ایڈیشنل آئی جی کراچی مشتاق مہر کہتے ہیں آپریشن مکمل ہونے میں پینتیس فیصد کام باقی ہے۔

(جاری ہے)

کالعدم تنظیموں کے سلیپر سیل اب بھی موجود ہیں لیکن انہیں بھی ختم کر دیا جائے گا ۔ ڈکیتی کی وارداتوں میں 65 فیصد کمی آئی ۔ سٹریٹ کلنگ میں 50 فیصد تک کمی ہوئی ۔آپریشن سے پہلے یومیہ ٹارگٹ کلنگ کی تعداد 8 تھی جو اب 2 ہو گئی ہے۔ مشتاق مہر نے بتایا کہ موبائل چھینا شہر میں اب بھی ایک بڑا مسئلہ ہے ، کرائم منیجمنٹ سسٹم کو کمپوٹرائزڈ کیا جا رہا ہے ۔ آپریشن کے دوران پندرہ ہزار چار سو غیر قانونی اسلحہ برآمد کیا گیا۔ پولیس اور رینجرز حکام کے مطابق کراچی آپریشن کے مثبت اثرات نظر آ رہے ہیں ۔ ہائی پروفائل کیسز فوجی عدالتوں میں بھیجیں جائیں گے ۔ شہر قیام امن کے لئے آپریشن کا جاری رہنا ناگزیر ہے۔

Facebook Twitter Google + Share on Whatsapp

کراچی آپریشن کو دو سال مکمل ، 550 ٹارگٹ کلر ،343 بھتہ خور،913 دہشتگرد گرفتار ہوئے

متعلقہ عنوان :

مزید اہم خبریں