ننھے ایلان کے جنازے کی تصاویر۔۔۔۔ایک روز میںعطیات کا ریکارڈ ٹوٹ گیا۔
سمیرا فقیرحسین ہفتہ 5 ستمبر 2015 15:24
(اُردو پوائنٹ تازہ ترین اخبار. 05 ستمبر 2015 ء): یورپ میں مہاجرین کی امداد کے لیے فعال اداروں نے کہا ہے کہ نو عمر شامی مہاجر بچے ایلان کُردی کی لاش کی دل سوز تصاویر نے کسی بحران یا الیمے سے دوچار افراد کے لیے یورپ میں ایک روز کے اندر اکھٹا ہونے والے عطیات کا تمام ریکارڈ توڑ دیا ہے۔ غیر معمولی دباؤ کے شکار برطانوی وزیر اعظم ڈیوڈ کیمرون نے کہا ہے کہ برطانیہ 100 ملین پاؤنڈ کی اضافی رقم بحران زدہ عرب ملک شام کے متاثرین کے لیے ادا کرے گا۔
اس طرح شامی مہاجرین کی امداد کے لیے لندن کی طرف سے عطیات کی کُل رقم 1 بلین پاؤنڈ ہو جائے گی۔ اُدھر انٹرنیشنل اولمپک کمیٹی نے ہنگامی بنیادوں پر دو ملین یورو کے فنڈ کا اعلان کیا ہے اور یہ رقم شام اور عراق کے جنگ کے شکار مہاجرین کی امداد کا کام کرنے والے اداروں کو دی جائے گی۔(جاری ہے)
انٹرنیشنل اولمپک کمیٹی آئی او سی کے صدر تھوما باخ نے ایک فنڈ ریزنگ ایونٹ کے موقع پر بیان دیتے ہوئے کہا، ’’گذشتہ چند روز کے دوران دل دہلا دینے والی خبروں اور جذبات کو جھنجھوڑ دینے والے خاکوں کے منظر عام پر آنے کے بعد سے ہم سب شدید صدمے کا شکار ہوئے ہیں۔
‘‘بحیرہ روم پر واقع ملک مالٹا میں قائم ’Migrant Offshore Aid Station‘ کے ترجمان کرسٹیان پیریگرین نے خبر رساں ادارے اے ایف پی کو اس بارے میں بیان دیتے ہوئے کہا، ’’تین سالہ ایلان کُردی کی لاش کی تصویر نے یورپ بھر میں سیاسی لیڈروں سے لے کر عوام کے جذبات کو اس طرح جھجھوڑ کر رکھ دیا ہے کہ جس کی مثال نہیں ملتی۔ یورپی حکومتیں مہاجرین کے مسائل سے نمٹنے کے لیے آپس کے اختلافات کے باوجود شامی مہاجرین کی امداد کے لیے ممکنہ اقدامات پر مجبور ہو گئی ہیں‘‘۔ ان کا مزید کہنا تھا، ’’یورپی عوام کا ایلان کی تصویر پر رد عمل بہت متاثر کن ہے۔ تارکین وطن کے معاملے میں پائی جانے والی بے حسی بہت تیزی سے ختم ہوئی ہے۔‘‘
مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.