قوم کی بیٹی کی وطن واپسی کیلئے ’’عافیہ رہائی ریلی، لیاری ‘‘ میں بھرپور شرکت کریں، ترجمان عافیہ موومنٹ
جمعہ 4 ستمبر 2015 17:53
کراچی (اُردو پوائنٹ اخبار تازہ ترین۔ 04 ستمبر۔2015ء) کاروان غیرت کے تحت عافیہ رہائی ریلی لی مارکیٹ ، لیاری کی تیاریاں مکمل ہونے کے بعد علاقہ معززین اور مکینوں سے رابطہ کیا جارہا ہے ۔ عافیہ رہائی ریلی کمیٹی کے آرگنائزر عبدالحاکم قائد نے لیمارکیٹ ، چاکیواڑہ ، موسیٰ لین ، بکرا پیڑی ، چیل چوک و اطراف کے علاقوں کا دورہ کیا اس موقع پر ان کے ہمراہ کمیٹی کے دیگر ارکان اکرم آگریا، عابد بلوچ، امجد بلوچ، اختر قریشی ، سلیم پٹھان ، عمر بلوچ اور امین تاجک بھی تھے ۔
عافیہ موومنٹ میڈیا انفارمیشن سیل سے جاری کردہ اعلامیہ کے مطابق اتوار ، 6ستمبر کو عافیہ رہائی ریلی کی قیادت ڈاکٹر فوزیہ صدیقی کریں گی۔ لیاری و شہر کے اہم مقامات پر ریلی کے بینرز آویزاں کردیئے گئے ہیں اور اب گھر گھر ، دکان دکان ، اور مارکیٹوں میں ہینڈ بلز تقسیم کئے جارہے ہیں ۔(جاری ہے)
عافیہ رہائی ریلی کمیٹی کے آرگنائزر عبدالحاکم قائد نے کمیٹی کے ارکان کے ہمراہ مین لی مارکیٹ، پھول مارکیٹ ، فروٹ منڈی ،لیاری چنگ چی رکشہ یونین اور دیگر تاجر تنظیموں کے نمائندوں سے ملاقاتیں کی اور انہیں ریلی میں شرکت کی دعوت دی ۔
اس موقع پر گفتگو کرتے ہوئے انہوں نے کہا کہ عافیہ کے معاملے میں چپ کا روزہ رکھنے اور غیرت کا مظاہرہ نہ کرنے والے حکمرانوں نے ریمنڈ ڈیوس کے بعد ایک اور امریکی شہری کو خاموشی کے ساتھ شرمناک طریقے سے واپس کردیا ہے جس کی وجہ سے عوام شدید غم و غصہ کا اظہار کررہے ہیں۔ انہوں نے کہا کہ عافیہ رہائی ریلی کے حوالے سے لیاری کے لوگوں میں جوش و خروش پایا جارہا ہے ، کمیٹی کے ارکان کو تاجر تنظیموں کے نمائندوں اور علاقہ مکینوں نے بھر پور شرکت کا یقین دلایا۔ عبدالحاکم قائد نے علمائے کرام ، سیاسی و سماجی رہنماؤں اور علاقہ مکینوں سے اپیل کی کہ قوم کی معصوم بیٹی ڈاکٹرعافیہ صدیقی کی امریکی جیل سے رہائی اور وطن واپسی کیلئے ’’عافیہ رہائی ریلی، لیاری ‘‘ میں بھرپور شرکت کریں۔متعلقہ عنوان :
مزید اہم خبریں
-
بھارتی انتخابات: نوجوان کیا سوچ رہے ہیں؟
-
یو اے ای میں بارشوں سے تباہی، پاکستانی سفارت خانے نے ہیلپ لائن سینٹر قائم کردیا
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقررکردیا
-
پاکستان میں ایکس کی بندش پرسوشل میڈیا پلیٹ فارم کا بیان سامنے آگیا
-
بلال یاسین روٹی کی سرکاری نرخوں پر دستیابی یقینی بنانے کیلئے میدان میں آگئے
-
دبئی میں بارشیں، 50 سے زائد پاکستانی کویت ایئر پورٹ پر پھنس گئے
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، اس صنعت میں تعاون سے ملک کو عالمی معیشت سے جوڑا جا سکتا ہے، وفاقی وزیر اطلاعات عطاءاللہ تارڑ کا سیمی کنڈکٹر سمٹ 2024ءسے خطاب
-
آئی ایم ایف مذاکرات کے دوران روپے کی قدر میں کمی کا امکان نہیں، وزیر خزانہ
-
نومئی کے حملہ آور آج ملکی مفاد پر حملہ آور ہیں، عطاءاللہ تارڑ
-
بلوچستان سے سسٹم پنجاب اور خیبرپختونخوا میں داخل ہورہا ہے،چیف میٹرولوجسٹ
-
پنجاب اسمبلی کے ملازم کی مبینہ خودکشی کی کوشش،اسمبلی کی عمارت سے چھلانگ لگا دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.