پاکستان نے شاہین کے بعد غوری اور پھر شاہین ٹو میزائل بنائے ‘شاہین تھری میزائل بھی بنا لئے ‘ ثمر مبارک مند

بھارت کے پاس پیچھے ہٹنے کے علاوہ اور کوئی جواز نہیں ہے ‘انٹرویو

جمعرات 3 ستمبر 2015 16:51

اسلام آباد (اُردو پوائنٹ اخبار تازہ ترین۔ 03 ستمبر۔2015ء) پاکستانی سائنسدان ڈاکٹر ثمر مبارک مند نے کہا ہے کہ پاکستان نے شاہین کے بعد غوری اور پھر شاہین ٹو میزائل بنائے ‘ پاکستان نے شاہین تھری میزائل بھی بنا لئے ہیں ‘بھارت کے پاس پیچھے ہٹنے کے علاوہ اور کوئی جواز نہیں ہے۔ایک انٹرویومیں ڈاکٹر ثمرمبارک نے کہا کہ بھارت کے پاس پیچھے ہٹنے کے علاوہ اور کوئی جواز نہیں ہے۔

انہوں نے کہا بھارت کے میزائل سسٹم میں پرتھوی تھری 300 کلومیٹر تک رینج کا ہے۔ بھارت نے انڈین اوشن میں جتنے ٹیسٹ کئے وہ ٹارگٹ پر نہیں لگے۔انہوں نے کہا کہ پاکستان کا اینٹی اور میزائل سسٹم بہت جدید ہے، ہمارا بھارت کیساتھ کوئی مقابلہ ہی نہیں ہے ‘پاکستان کے پاس بہت بڑی تعداد میں ایٹم بم موجود ہیں۔

(جاری ہے)

ڈاکٹر ثمر مبارک مند نے کہا کہ چند سیکنڈ میں پورے بھارت کو برصغیر کے نقشے سے ختم کیا جا سکتا ہے۔

نجی ٹی وی کو انہوں نے بتایا کہ ہمارا میزائل سسٹم ہر لحاظ سے محفوظ ہے، کسی ہتھیار کی توڑ پھوڑ یا چوری کی شکایت سامنے نہیں آئی۔انہوں نے کہاکہ شاہین ون کی رینج 900 کلومیٹر ہے۔ شاہین ٹو کی رینج 2000 کلومیٹراور شاہین تھری کی رینج 2500 سے 3000 تک ہے۔شاہین میزائل اٹھارہ سے بیس منٹ میں ٹارگٹ تک پہنچنے کی صلاحیت رکھتا ہے۔ دشمن اس میزائل کے ٹارگٹ کا اندازہ نہیں لگا سکتا۔

متعلقہ عنوان :