اسلام آباد ہائی کورٹ نے سابق چیئرمین پیمرا چوہدری رشید کی بحالی کے عدالتی فیصلے کے خلاف وفاق کی انٹرا کورٹ اپیل پر فیصلہ محفوظ کر لیا
بدھ 2 ستمبر 2015 22:58
اسلام آباد (اُردو پوائنٹ اخبار تازہ ترین۔ 02 ستمبر۔2015ء) اسلام آباد ہائی کورٹ نے سابق چیئرمین پیمرا چوہدری رشید کی بحالی کے عدالتی فیصلے کے خلاف وفاق کی انٹرا کورٹ اپیل پر فیصلہ محفوظ کر لیا ۔ بدھ کو وفاق کی جانب سے دائر انٹرا کورٹ اپیل کی سماعت عدالت عالیہ کے جسٹس شوکت عزیز صدیقی اور جسٹس اطہر من اﷲ پر مشتمل ڈویژن بنچ نے کی۔ اس موقع پر وفاق کی جانب سے ایڈیشنل اٹارنی جنرل افنان کریم کنڈی نے موقف اپنایا کہ چیئرمین پیمرا کے عہدے کے لئے سپریم کورٹ کے احکامات پر تقرری کا عمل شروع کر دیا گیا ہے اور چوہدری رشید بھی تقرری کے لئے دوبارہ درخواست دے سکتے ہیں۔
انہوں نے مزید کہا کہ چوہدری رشید کی بطور چیئرمین پیمرا تقرری شفاف نہیں تھی لہٰذا سنگل بنچ کے فیصلے کو کالعدم قرار دیا جائے۔(جاری ہے)
جسٹس اطہر من اﷲ نے اس موقع پر چوہدری رشید کو مخاطب کرتے ہوئے کہا کہ عدالت کے سامنے دو آپشن ہیں ، ایک سپریم کورٹ نے چیئرمین پیمرا کی تقرری کا عمل شروع کرنے کی ہدایت کی ہے اور دوسرا یہ کہ اس اپیل کو سنا جائے ، آپ سینئر بیورو کریٹ ہیں ہم نہیں چاہتے کہ کوئی ایسا فیصلہ آئے جو آپ کی شخصیت پر اثر انداز ہو ، سپریم کورٹ کی ہدایت کے مطابق چیئرمین پیمرا کی تقرری کا عمل شروع ہو چکا ہے آپ اس عمل میں شریک ہو جائیں۔
اس پر چوہدری رشید نے کہا کہ چیئرمین پیمرا کی تعیناتی کے لئے دئیے گئے نئے اشتہار میں عمر کی حد 61 سال رکھی گئی ہے جبکہ پہلے 65 سال تھی ، میری عمر اس وقت 62 سال ہے۔ اس موقع پر چوہدری رشید کے وکیل نے کہا کہ اداروں کے سربراہان کو سیاسی بنیادوں پر ہٹایا جاتا رہا تو ادارے مضبوط نہیں ہوں گے لہٰذا عدالت میرٹ پر کیس کا فیصلہ کرتے ہوئے وفاق کی اپیل کو مسترد کر کے سنگل بنچ کے فیصلے کو بحال کرے۔ دلائل مکمل ہونے کے بعد فاضل عدالت نے وفاق کی انٹرا کورٹ اپیل پر فیصلہ محفوظ کر لیا ہے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.