حکومت تاجروں کیلئے نئے ٹیکس پیکج کا اعلان کرے ،ٹیکس ریلیف پیکج کے تحت تاجر پانچ کروڑ تک کا سرمایہ رعایتی ٹیکس کے عوض ظاہر کرسکیں گے،سید اسد مشہدی
بدھ 2 ستمبر 2015 18:06
راولپنڈی(اُردو پوائنٹ اخبار تازہ ترین۔ 02 ستمبر۔2015ء) راولپنڈی چیمبر آف کامرس اینڈ انڈسٹری کے صدر سید اسد مشہدی نے کہاہے کہ حکومت تاجر تنظیموں کی دی گئی تجاویز کی روشنی میں ٹیکس ریلیف پیکج کا فوری طور پر اعلان کرے تاکہ ودھولڈنگ ٹیکس کی بابت تاجر برادری کے تحفظات دور ہو سکیں ۔صدر آر سی سی آئی نے کہا کہ پاکستان بھر کے چیمبرز ،فیڈریشن چیمبر اور تاجروتنظیموں پر مشتمل کمیٹیوں نے مختلف میٹنگز کے دوران متفقہ تجاویز مرتب کی تھیں جبکہ ان میٹنگز میں حکومتی نمائندگی وزیر خزانہ اسحاق ڈار،وزیراعظم کے خصوصی مشیر ہاورن اختر نے کی اور چیئرمین ایف بی آر طارق باجوہ ،ممبر قومی اسمبلی میاں عبدالمنان ،ملک پرویز ،رانا محمد افضل اور ممبر ان ایف بی آر بھی ان مواقع پر موجود رہے ۔
صدر راولپنڈی چیمبر آف کامرس سید اسد مشہدی نے حکومت اور ایف بی آر سے مطالبہ کیا ہے کہ یہ ضروری ہے کہ حکومت ان تمام تجاویز کے مطابق ٹیکس ریلیف پیکج کا اعلان کرے جس کے ذریعے تاجر پانچ کروڑ تک کا سرمایہ رعایتی ٹیکس کے عوض ظاہر کرسکیں گے اسکے ساتھ ساتھ تاجرسیکٹر وائز اپنی اصل بنک ٹرانزیکشن بھی انتہائی کم ٹیکس ریٹ پر ظاہر کرسکیں۔(جاری ہے)
اسد مشہدی نے کہا کہ پاکستان کی کاروباری برادری ان لوگوں کا دفاع نہیں کرسکتی جو کروڑوں روپے کا کاروبار کریں مگر انکے پاس نیشنل ٹیکس نمبر نہ ہواب جبکہ شناختی کارڈ نمبرکو ہی قومی ٹیکس نمبر شمار کیے جانے کا فیصلہ کر لیا گیا ہے تو یقیناً کوئی اپنی ٹرانزیکشن چھپا نہیں سکے گا اور بنک ٹرانزیکشن اور خرید و فروخت کی معلومات ٹیکس حکام کو شناختی کارڈ کے ذریعے کمپیوٹر پر دستیاب ہونگی۔
سید اسد مشہدی نے کہا کہ تاجر برادری کے لئے اچھا موقع ہے کہ وہ اپنے ٹیکس کے معاملات درست کر لیں اور ٹیکس پیئر کی حیثیت سے ملکی ترقی میں اپنا کردار ادا کریں ۔سید اسد مشہدی نے کہاکہ اگر تاجر نمائندوں کی تجاویز پرعملدرآمدکیا جائے تو کسی بھی تاجر یا صنعتکار پر کسی قسم کا ود ہولڈنگ ٹیکس نہیں لگے گا۔اسدمشہدی کاکہنا تھا کہ ٹیکس وصولی کے نظام کی وجہ سے اس سے پیشتر ٹیکس کے نظام کی وجہ سے تاجر اپنی آمدن کم دکھانے پر مجبور تھے تاہم نئے ٹیکس پیکج کے اعلان کی صورت میں تاجر آزادانہ کاروبار کرسکیں گے۔متعلقہ عنوان :
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.