اوکاڑہ اور قصورمیں مبینہ پولیس مقابلے، 3 ڈاکو ہلاک، 2 اہلکار زخمی

منگل 1 ستمبر 2015 11:31

اوکاڑہ(اُردو پوائنٹ اخبار تازہ ترین۔ یکم اپریل۔2015ء ) اوکاڑہ اور قصورمیں مبینہ پولیس مقابلے میں 3 ڈاکو ہلاک جبکہ 2 اہلکار زخمی ہوگئے ۔

(جاری ہے)

منگل کو ڈی پی او اوکاڑہ کے مطابق اسٹیڈیم روڈ پر پولیس اہلکاروں اور ڈاکوؤں کے درمیان فائرنگ کا تبادلہ ہوا جس کے نتیجے میں 2 ڈاکو مارے گئے، ڈاکوؤں کی فائرنگ سے 2 پولیس اہلکار بھی زخمی ہوئے جن میں ایک اے ایس آئی اورایک کانسٹیبل شامل ہے، ہلاک ہونے والے دونوں ڈاکو ڈکیتی کی متعدد وارداتوں میں مطلوب تھے، دوسری جانب قصور میں بھی مبینہ پولیس مقابلے کے دوران بدنام زمانہ زیر حراست ڈاکو جاوید عرف جیدی ہلاک ہوگیا، پولیس کے مطابق ہلاک ملزم ڈکیتی سمیت دیگر سنگین جرائم کی 60 وارداتوں میں ملوث تھا۔