پیپلز پارٹی کراچی کے وفد کی عوامی نیشنل پارٹی کے رہنماؤں سے ملاقات
ملاقات میں بلدیاتی انتخابات کے حوالے سے اتحاد سمیت دیگر امور پر تبادلہ خیال کیا گیا
پیر 31 اگست 2015 22:36
کراچی(اُردو پوائنٹ اخبار تازہ ترین۔ 31 اگست۔2015ء) عوامی نیشنل پارٹی کے رہنماؤں سے مردان ہاؤس میں پاکستان پیپلز پارٹی کراچی ڈویژن صدر نجمی عالم کی سربراہی میں آئے ہوئے وفد نے ملاقات کی ،وفد میں وزیراعلیٰ سندھ کے معاون خصوصی راشد ربانی ،ندیم بھٹو سمیت دیگر رہنماء بھی شامل تھے ،ملاقات میں بلدیاتی انتخابات کے حوالے سے اتحاد سمیت دیگر امور پر تبادلہ خیال کیا گیا ،ملاقات کے بعد میڈیا بریفنگ کرتے ہوئے پیپلز پارٹی کے رہنماء نجمی عالم نے خطاب کرتے ہوئے کہا کہ ہم پاکستان پیپلز پارٹی کی طرف سے اے این پی کے رہنماؤں سے مذاکرا ت کیلئے مردان ہاؤس میں حاضر ہوئے تھے۔
ہمارے یہاں آنے کا مقصد آنے والے بلدیاتی الیکشن میں ملکر بلدیاتی الیکشن لڑنا اور بلدیاتی الائنس بنانا تھا ۔(جاری ہے)
بڑی خوش آئند بات ہے کہ اے این پی کے دوستوں نے ہمیں بڑے کھلے دل سے ویلکم کیا، اسی سلسلے میں آج ہماری پہلی میٹنگ تھی انشاء اﷲ اس سلسلے میں مذید میٹنگز ہونگی۔شہر کراچی دیکھے گا کہ پاکستان پیپلز پارٹی اے این پی اور دوست بھی جیسے ہمارا جے یو آئی سے بھی سندھ کی سطح پر الائنس ہوا ہے اور بھی پارٹیوں سے جو ہمارے ساتھ آنا چاہیں گی ہم ان کے ساتھ مل کر کراچی میں بلدیاتی الیکشن لڑینگے۔
اس موقع پر عوامی نیشنل پارٹی سندھ کے جنرل سیکریٹری یونس خان بونیری نے کہا کہ جس طرح نجمی صاحب نے آپ کو بتا یا کہ کراچی اور پورے سندھ میں جو بلدیاتی الیکشن ہونے جارہے ہیں اسی سلسلے میں یہ ہمارے دوست ہمارے پاس آئے ہیں جیسا کہ آپ سب کو معلوم ہے کہ خیبر پختون خواہ میں جول حال ہی میں بلدیاتی الیکشن ہوا ہے وہاں بھی ہمارا جے یو آئی، پی پی اور اے این پی کا سہہ فریقی اتحاد تھا،اسی سے ہم نے الیکشن لڑا اسی طرح پچھلے سال بلوچستان میں بھی الائنس تھا، انشاء اﷲ کوشش کرینگے کہ اس شہر میں بھی ہم مل کر بلدیاتی الیکشن لڑینگے ۔ہم کوشش کرینگے کہ اس شہر کو جو آج سے پچیس تیس سال پہلے یہ جو روشنیوں کا شہر تھا ہم اس شہر کو اپنی اصل حالت میں اُسی طرح روشنیوں کا شہر بنا سکیں اور اس شہر کو اصل قیادت دے سکیں جس طرح ماضی میں ہمیں یہ شکایت رہی کہ یہاں پر ٹھپہ مافیا اور بہت ساری چیزیں تھی۔اب ہم سب کی تمام سیاسی پارٹیوں کی یہ ذمہ داری بنتی ہے کہ ہم باقاعدہ تیاری کے ساتھ الیکشن لڑ یں ،اس موقع پر سوالات کا جواب دیتے ہوئے اے این پی سندھ کے جنرل سیکریٹری نے مذید کہا کہ آج پی پی پی رہنماؤں سے ملاقات ہوئی ہے ہمارے صوبائی صدر سینیٹر شاہی سید آئندہ چند روز ملک واپس آئیں گے اس کے بعد ہی پارٹی کوئی واضح فیصلہ کرسکے کی ہمارے خواہش ہے کہ تمام ہم خیال جماعتوں کے ساتھ ملکر انتخابات میں حصہ لیں۔متعلقہ عنوان :
مزید اہم خبریں
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
-
پی ٹی آئی نے اسلام آباد میں جلسے کی اجازت کیلئے اسلام آباد ہائیکورٹ سے رجوع کرلیا
-
صدرزرداری کی پیوٹن کو روسی صدرمنتخب ہونے پر مبارکباد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.