عمران خان کا الیکشن کمیشن کے ارکان کے استعفوں کا مطالبہ ضمنی انتخابات سے فرار کا ایک بہانہ ہے ‘پرویز رشید
پیر 31 اگست 2015 13:38
اسلام آباد (اُردو پوائنٹ اخبار تازہ ترین۔ 31 اگست۔2015ء) وفاقی وزیراطلاعات نشریات سینیٹر پرویز رشید نے کہاہے کہ عمران خان کا الیکشن کمیشن کے ارکان کے استعفوں کا مطالبہ ضمنی انتخابات سے فرار کا ایک بہانہ ہے ‘نا مکمل الیکشن کمیشن انتخابات نہیں کر اسکتا ہے ‘ این اے 122 اور این اے 154 میں تحریک انصاف کو واضح اکثریت سے شکست دینگے۔ نجی ٹی وی چینلز کو دیئے گئے انٹرویوز میں انہوں نے کہا کہ نامکمل الیکشن کمیشن انتخابات نہیں کرا سکتا۔
انہوں نے کہا کہ عمران خان ضمنی انتخابات میں حصہ لینے سے خوفزدہ ہیں اسی لئے وہ اس طرح کے بہانے بنا رہے ہیں۔وفاقی وزیر نے کہا کہ تحریک انصاف کے سربراہ کی طرف سے الیکشن کمیشن کے ارکان کے استعفوں کیلئے دباؤ تکنیکی لحاظ سے ان کی طرف سے شکست کا اعتراف ہے جس سے ضمنی انتخابات کا انعقاد ناممکن ہو جائے گا۔(جاری ہے)
پرویز رشید نے کہا کہ قومی اسمبلی کے حلقوں این اے 122 اور این اے 154 میں تحریک انصاف کو واضح اکثریت سے شکست دی جائے گی۔
انہوں نے کہا کہ ہری پور کے ضمنی انتخابات کی تاریخ دہرائی جائے گی جہاں مسلم لیگ نون کے امیدوار نے 47 ہزار ووٹوں کے واضح فرق سے مخالف امیدوار کو شکست دی۔انہوں نے کہا کہ تحریک انصاف کو ملک کی موجودہ صورتحال کو مدنظر رکھتے ہوئے مظاہروں اور دھرنوں کی سیاست ترک کر دینی چاہئے۔ انہوں نے کہا کہ ہمیں تحریک انصاف کے تحفظات کا احترام ہے تاہم ان کو بنیاد بنا کر لوگوں کو سڑکوں پر لانا اور اداروں کی تذلیل کرنا مناسب نہیں۔ انہوں نے کہا کہ جوڈیشل کمیشن میں تحریک انصاف کو موقف بیان کرنے کا مکمل موقع دیا گیا تھاحکومت کے ساتھ جو معاہدہ ہوا تھا اس میں واضح طور پر لکھ کر دیا تھا کہ جوڈیشل کمیشن کے فیصلے کے بعد وہ اپنے الزامات نہیں دھرائیں گے مگر افسوس ہے کہ پی ٹی آئی معاہدے کی خلاف ورزی کرتے ہوئے الزامات دھرا رہی ہے جو غلط ثابت ہو چکے ہیں۔ انہوں نے کہا کہ عمران خان تھوڑے عرصہ کے لئے پاکستان میں اس طرح کی سیاست سے گریز کریں۔متعلقہ عنوان :
مزید اہم خبریں
-
آئی ایم ایف کیساتھ ایک اور ڈیل ،پھر 2016کی طرح خیرباد کہا جائے گا‘ رانا مشہود
-
وفاقی وزیر خزانہ کی آئی ایم ایف /ورلڈ بینک کےا جلاس کے موقع پر مصروفیات، اہم شخصیات سے ملاقاتیں
-
شمالی کوریا کا اٹیمی وارہیڈ لیجانے کی صلاحیت کے حامل کروزمیزائل کا تجربہ
-
پاکستان آئی ایم ایف کے بڑے اور طویل المدتی بیل آئوٹ پروگرام کا خواہاں ہے، وزیر خزانہ محمد اورنگزیب کا ٹی آر ٹی ورلڈ کو انٹریو
-
معروف عالم دین ڈاکٹراسرار احمد کا یوم پیدائش 26 اپریل کو منایا جائے گا
-
محکمہ داخلہ پنجاب کی ضمنی انتخابات کے دوران موبائل، انٹرنیٹ سروس معطل کرنے کی سفارش
-
وزیرخزانہ سے ورلڈ بینک کے علاقائی نائب برائے جنوبی ایشیاء سے ملاقات ،مختلف امورپر غور
-
وفاقی وزیر خزانہ کا سی پیک کے دوسرے مرحلے میں تیزی لانے کے لیے حکومت پاکستان کے عزم کا اظہا
-
سی پیک کے باعث پاکستان اور چین کے درمیان معاشی اور ثقافتی تعلقات تیزی سے فروغ پا رہے ہیں،وزیراعظم
-
صدرمملکت آصف علی زرداری کا ڈیرہ اسماعیل خان میں کسٹمز حکام پر دہشت گرد حملے کی مذمت،شہید ہونے والے کسٹم اہلکاروں کے لواحقین کے ساتھ اظہار افسوس
-
میزائل پروگرام سے منسلک کمپنیوں پر پابندیاں بغیر ثبوت کے لگائی گئیں، دفتر خارجہ
-
پیرس اولمپکس: افغان کھلاڑی کا افغانستان پر پابندی کا مطالبہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.