حقا نی نیٹ ورک کے معاملے پر صرف پاکستان کو قصور وار نہیں ٹھہرایا جاسکتا، پا ک فو ج
پیر 31 اگست 2015 12:09
اسلام آباد (اُردو پوائنٹ اخبار تازہ ترین۔ 31 اگست۔2015ء ) امریکا کی جانب سے پاکستان پر حقانی نیٹ ورک کے خلاف موٴثر کارروائی سے گریز کے الزامات پر پاک فوج کا کہنا ہے کہ اس معاملے میں صرف پاکستان کو قصور وار نہیں ٹھہرایا جاسکتا، افغانستان میں امن کا قیام تما م سٹیک ہو لڈر کی مشترکہ ذمہ داری ہے۔امریکا کی قومی سلامتی کی مشیر سوزین رائس کے ایک روزہ دورہ اسلام آباد کے دوران حقانی نیٹ ورک کے خلاف اقدامات کی فہرست پاکستان کو فراہم کیے جانے کے بعد سیکیورٹی عہدیدار نے ایک انگر یزی اخبا ر کو بتایا کہ ’یہ تمام اسٹیک ہولڈرز کی ذمہ داری ہے کہ وہ افغانستان میں امن کے قیام کے لیے کام کریں۔
سیکیورٹی عہدیدار نے تسلیم کیا کہ جنرل ہیڈ کوارٹرز(جی ایچ کیو) راولپنڈی میں جنرل راحیل شریف اور امریکی مشیر کے درمیان ہونے والی ملاقات میں حقانی نیٹ ورک کے حوالے سے امریکی خدشات کا اظہار کیا گیا۔(جاری ہے)
عہدیدار کا کہنا تھا کہ بات چیت کے دوران جس وقت حقانی نیٹ ورک کے حوالے سے خدشات کا اظہار کیا گیا تو پاکستان نے بھی اپنی شکایات پیش کیں۔افغان حکومت کو طالبان سے مذاکرات ملتوی کرنے کا بلاواسطہ ذمہ دار ٹھہراتے ہوئے سیکیورٹی عہدیدار نے کہا کہ امریکی مشیر کو واضح طور پر بتادیا گیا ہے کہ مذاکراتی عمل کا آغاز مری میں 7 جولائی سے ہونا تھا جو اب معطل ہوگیا ہے.واضح رہے کہ افغان مذاکراتی عمل افغان حکومت کی جانب سے طالبان رہنما ملا عمر کی ہلاکت کی خبر سامنے لائے جانے کے بعد ملتوی ہوگیا تھا۔
ملا عمر کی ہلاکت کی خبر منظر عام پر آنے کے بعد طالبان نے ملا اختر منصور کو اپنا نیا امیر اور حقانی نیٹ ورک کے سربراہ سراج الدین حقانی کو ان کا نائب مقرر کردیا۔سیکورٹی عہدیدار کا کہنا تھا کہ امریکا کو یہ احساس کرنے کی ضرورت ہے کہ جب حکمت عملی کا تعین کرلیا جائے تو اس پر عمل درآمد کرنا وقت کی ضرورت ہے۔ان کہنا تھا کہ سوزین رائس نے انسداد دہشت گردی کے حوالے سے پاکستان کے اٹھائے جانے والے اقدامات کو سراہا ہے اور افغان امن میں تعاون کے لیے اجلاس پر اتفاق بھی ہوا ہے۔متعلقہ عنوان :
مزید اہم خبریں
-
بلند ترین شرح سود کے ساتھ کاروبار چلانا ممکن نہیں رہا‘شرح سود مہنگائی کم کرنے کے لیے بڑھائی گئی تھی.تاجر
-
ام المومنین حضرت خدیجة الکبریٰ ؓ کا یوم وصال 10رمضان المبارک بمطابق 21 مارچ کو عقیدت و احترام سے منایا جائے گا
-
ویوو نے بہترین پوٹریٹ فوٹوگرافی اور دلکش ڈیزائن کا حامل V30 5G پاکستان میں متعارف کردیا
-
’مئی جون تک نئی سیاسی جماعت آجائے گی‘ شاہد خاقان عباسی کا اعلان
-
حسن اور حسین نواز کی بریت سے متعلق فیصلہ محفوظ
-
ہمارے شہداءکے قاتل افغانستان میں ہوں تو پھر کارروائی کا حق رکھتے ہیں،خواجہ آصف
-
کراچی سے فورسز پر حملوں میں ملوث دہشت گرد گرفتار
-
پاکستان میں ہونے والے حملے میں جانی نقصان پر افسوس ہے،ترجمان امریکی محکمہ خارجہ
-
بجلی 5روپے مہنگی کرنے کی درخواست نیپرا میں جمع
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.