عبدالغفور حیدری نے بے جا بیان بازی پر پارٹی ترجمان جان محمد اچکزئی کو عہدے سے ہٹادیا ، ایک ماہ کے اندر پارٹی سربراہ مولانا فضل الرحمن کو پیش ہو کر جواب دینے کی ہدایت
اتوار 30 اگست 2015 18:42
اسلام آباد(اُردو پوائنٹ اخبارتازہ ترین - آئی این پی۔30اگست۔2015ء) ڈپٹی چیئرمین سینٹ و جمعیت علماء اسلام (ف) کے سیکرٹری جنرل عبدالغفور حیدری نے پارٹی کے پلیٹ فارم سے بے جا بیان بازی پر پارٹی ترجمان جان محمد اچکزئی کو ان کے عہدے سے ہٹادیا اور ایک ماہ کے اندر پارٹی سربراہ مولانا فضل الرحمن کو پیش ہو کر جواب دینے کی ہدایت کر دی۔ جان محمداچکزئی نے ایک ٹی وی پروگرام میں بیان دیا تھا کہ عمران خان مولانا فضل الرحمن کیخلاف غلیظ زبان کا استعمال بند کریں اگر نہ کیا تو ان پر خودکش اور قاتلانہ حملہ ہو سکتا ہے‘ ہم اپنے کارکنوں کو نہیں روک سکتے۔
اتوار کو جے یو آئی (ف) کے سیکرٹری جنرل عبدالغفور حیدری کی جانب سے جان محمد اچکزئی کو شوکاز نوٹس جاری کیا گیا ہے جس میں ان سے اس بیان کے حوالے سے وضاحت طلب کی گئی ہے۔(جاری ہے)
نوٹس میں کہا گیا ہے کہ گزشتہ دنوں آپ نے ایک نجی ٹی وی کے پروگرام میں کہا کہ مولانا فضل الرحمن کے بارے میں تحریک انصاف کے چیئرمین عمران خان نے غلیظ زبان کا استعمال جاری رکھا تو اس پر خودکش حملہ ہو سکتا ہے ہم اپنے کارکنوں کو نہیں روک سکتے۔
شوکاز نوٹس میں کہا گیا ہے کہ جمعیت علماء اسلام (ف) کا نہ تو کوئی عسکری ونگ ہے اور نہ ہی ہم نے خودکش حملہ آور پال رکھے ہیں۔ یہ آپ کا ذاتی موقف ہو سکتا ہے لیکن جماعت کی پالیسی نہیں ۔ اس متنازعہ بیان پر آپ کو جماعتی ذمہ داریوں سے سبکدوش کیا جاتا ہے۔ شوکاز نوٹس میں یہ بھی کہا گیاہے کہ اس سے قبل بھی متنازعہ بیان پر آپ کو ہدایت کی گئی تھی کہ بیان دینے سے قبل پارٹی سربراہ مولانا فضل الرحمن ‘ جنرل سیکرٹری عبدالغفور حیدری سے رابطہ کریں آپ کے بیانات سے جماعتی صفوں میں تحفظات پیدا ہو گئے تھے لیکن آپ نے اس پر کوئی توجہ نہیں فرمائی۔ آئندہ آپ میڈیا پر پارٹی کی نمائندگی کے مجاز نہیں ہوں گے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.