`کالا باغ ڈیم بناؤ تحریک کے سلسلہ میں میں میاں منیر اورناصر رمضان گجر کی قیادت میں لاہور میں ڈور ٹو ڈورمہم کا آغاز
چوہدری ظہیرالدین خاں کی ہدایت پر کالا باغ ڈیم بناؤ تحریک پورے پنجاب میں چلائی جائے گی،ناصر رمضان کالا باغ اور دیگر نئے ڈیم تعمیر نہ ہونے سے ہر سال60ارب ڈالر کا پانی سمندر میں گر کر ضائع ہورہا ہے،سیکرٹری اطلاعات مسلم لیگ لاہور`
ہفتہ 29 اگست 2015 20:52
لاہور(اُردو پوائنٹ اخبار تازہ ترین۔ 29 اگست۔2015ء) چوہدری شجاعت حسین،چوہدری پرویز الہٰی،مونس الہٰی ،چوہدری ظہیرالدین کی ہدایت پر کالا باغ ڈیم بناؤ تحریک کے سلسلہ میں لاہور میں میاں منیر اورناصر رمضان گجر کی قیادت میں ڈور ٹو ڈور کالا باغ ڈیم تحریک کی آگاہی کے سلسلہ میں اچھرہ لاہور سے پمفلٹ تقسیم کرنے کا آغاز کردیا گیا ۔مسلم لیگ لاہور کے وفد میں چوہدری محمد اشرف ،سہیل چیمہ، نصیر آرائیں اور کثیر تعداد میں مسلم لیگی کارکن شامل تھے۔
مسلم لیگی عہدیداران نے گھر گھر کالا باغ ڈیم تحریک کے سلسلہ میں پمفلٹ تقسیم کئے اور کہا کہ لاہور بھر میں ہر ہفتے ایک بازار اور علاقہ کا دورہ کیا جائے گا اورکالا باغ ڈیم بناؤ کے سلسلہ میں بروشر اور پمفلٹ تقسیم کیئے جائیں گے۔(جاری ہے)
اس موقع پر ناصر رمضان گجر سیکرٹری اطلاعات مسلم لیگ لاہور نے بتایا کہ مسلم لیگ پنجاب کے جنرل سیکرٹری چوہدری ظہیرالدین خاں کی ہدایت پر لاہور کے بعد کالا باغ ڈیم بناؤ تحریک پورے پنجاب میں چلائی جائے گی انہوں نے کہا کہ کالا باغ اور دیگر نئے ڈیم تعمیر نہ ہونے سے ہر سال60ارب ڈالر کا پانی سمندر میں گر کر ضائع ہوجاتا ہے ۔
بجلی بحران کے حل کے لیے فی الفور کالا باغ اور دیگر ڈیمز کی تعمیر شروع کی جائے ، بجلی بحران کا واحد حل کالا باغ ڈیم کی تعمیر ہے اس سے نہ صرف لوڈشیڈنگ کا خاتمہ اور سستی بجلی کا حصول ممکن ہوگا بلکہ سارا سال دریاؤں میں زرعی ضروریات کیلئے پانی کی فراہمی ممکن ہوسکے گی ۔پنجاب کے کسانوں کی بلاواسطہ اور صنعت کاروں کی بلواسطہ خوشحالی کا راز کالاباغ ڈیم کی تعمیر میں مضمر ہے۔ انہوں نے کہا کہ اعلان کردہ بڑے آبی ذخائر میں سے کالاباغ ڈیم ہی وہ واحد آبی ذخیرہ ہے جس کی تعمیر سب سے آسان اور فوری طور پر قابل عمل ہے ،ہم قائدین کی ہدایت پر کالا باغ ڈیم کی تعمیر کیلئے رائے عامہ ہموارکرینگے کالا باغ ڈیم سے 3600 میگا واٹ بجلی حاصل ہو گی اور 6 ملین ایکڑ فٹ پانی بھی میسر ہو گا -موجودہ حالات میں مقتدر سیاستدانوں اور جماعتوں کی طرف سے قوم کے لیے اس سے بہتر تحفہ کوئی نہیں ہو سکتا کہ انہیں پینے کے لیے صاف پانی کی فراہمی اور بجلی کی لوڈشیڈنگ کے خاتمہ سے بچانے کے لیے کالا باغ ڈیم کی تعمیر پر کام شروع کروانے کا اعلان کر دیا جائے -کالا باغ ڈیم کی فوری تعمیرکیلئے باہمی اختلافات ختم کیئے جائیں یہی وقت کی اہم ضرورت ہے تاکہ پاکستان تعمیر و ترقی کی راہوں پر گامزن ہواور ملک اندھیروں سے نجات پاسکے۔متعلقہ عنوان :
مزید اہم خبریں
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.