عمران خان ملک کو تباہ کرنے کے ایجنڈے پر عمل پیرا ہیں ، این اے 122,154کے ضمنی انتخابات میں پی ٹی آئی کو شکست دیں گئے ، مسلم لیگ (ن) کے رکن قومی اسمبلی پرویز ملک کا بیان
ہفتہ 29 اگست 2015 20:18
لاہور ( اُردو پوائنٹ اخبار تازہ ترین۔ 29 اگست۔2015ء ) پاکستان مسلم لیگ (ن) لاہور کے صدر اور رْکن قومی اسمبلی پرویز ملک نے کہا ہے کہ تحریک انصاف ملک کو تباہ کرنے کے ایجنڈے پر عمل پیرا ہے ، ماضی میں یہ پہلے ہی نام نہاد دھرنے دیکر ملک کو بھاری نقصان پہنچاچکی ہے اور اب مزید نقصان پہنچانے کے درپے ہے۔ہفتہ کو اپنے ایک بیان میں پرویز ملک نے کہا کہ اپنی بہترین کارکردگی کی بنیاد پر پاکستان مسلم لیگ (ن) ایک مرتبہ پھر ضمنی انتخابات میں شاندار کامیابی حاصل کرے گی اور تحریک انصاف کی شکست فاش اس کی تمام کارکردگی کا پول کھول دے گی۔
پرویز ملک نے کہا کہ نواز شریف حکومت کی کاروبار دوست بہترین معاشی پالیسیوں کی بدولت ملک کی معاشی صحت ہر گزرتے دن کے ساتھ بہتر ہوتی جارہی ہے ، پاک چین اکنامک کاریڈور ہر قیمت پر مکمل کیا جائے گا ، اس کے خلاف باتیں کرنے والے ملک کے خیر خواہ نہیں۔(جاری ہے)
پرویز ملک نے کہا کہ آئی ایم ایف اور ورلڈ بینک جیسے بین الاقوامی ادارے بھی یہ تسلیم کررہے ہیں کہ معیشت دوبارہ اپنے پیروں پر کھڑی ہورہی ہے ۔
انہوں نے کہا کہ پاک چین اکنامک کاریڈور معیشت کے لیے بہت اہمیت کی حامل ہے کیونکہ اس سے پاکستان میں ترقی و خوشحالی کے ایک نئے دور کا آغاز ہوگاجبکہ افرادی قوت کے لیے روزگار کے لاکھوں نئے مواقع پیدا ہونگے۔ انہوں نے کہا کہ پاک چین اکنامک کاریڈور کے خلاف باتیں کرنے والے ملک کے خیر خواہ نہیں۔ پرویز ملک نے کہا کہ مارک اپ تاریخ کی کم ترین سطح پر ہے جو نواز شریف حکومت کی کاروبار دوست پالیسیوں کا ایک اور منہ بولتا ثبوت ہے، مارک اپ کی شرح کم ہونے سے صنعتی شعبے کو سستا سرمایہ میسر آئے گا ۔ انہوں نے کہا کہ اگرچہ توانائی کا بحران موجودہ حکومت کو ورثے میں ملا لیکن اس کے خاتمے کے لیے ٹھوس اقدامات اٹھائے جارہے ہیں، دوست ملک چین کے تعاون سے بہت سے پراجیکٹس پر کام جاری ہے اور مستقبل قریب میں توانائی کے بحران کا بھی خاتمہ ہوجائے گا۔ انہوں نے کہا کہ عوام کا معیار زندگی بہتر بنانا حکومت کی اوّلین ترجیح ہے۔ ایم این اے پرویز ملک نے کہا کہ وزیراعظم میاں نواز شریف اور وزیر اعلیٰ پنجاب میاں شہباز شریف نے متعدد ایسے پراجیکٹس شروع کیے ہیں جن سے نہ صرف معیشت بہتر ہوگی بلکہ روزگار کے لاکھوں نئے مواقع بھی پیدا ہونگے۔ انہوں نے کہا کہ انتشار پھیلانے والی سیاسی جماعتیں ترقی و خوشحالی کی مخالفت ہیں لیکن وہ کسی بھی صورت اپنے مقصد میں کامیاب نہیں ہونگے ۔متعلقہ عنوان :
مزید اہم خبریں
-
صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان دوطرفہ تعلقات مزید بہتر بنانے کیلئے مل کر کام ..
-
وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا
-
عمران خان اور پی ٹی آئی ایک حقیقت ہے ان کو مان لیں اور بات چیت کریں
-
کسان بورڈ پاکستان کا احتجاجی دھرنوں کا اعلان
-
آسٹریلوی کمپنیاں پاکستانی معیشت کے مختلف شعبوں میں سرمایہ کاری کریں،صدر مملکت آصف علی زرداری سے آسٹریلیا کے ہائی کمشنر نیل ہاکنز کی ملاقات
-
حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران اپنی برآمدات کو دوگنا کرنے کا تہیہ کیا ہوا ہے، وزیراعظم ..
-
وزیراعظم شہبازشریف کی زیر صدارت سندھ میں وفاقی حکومت کے ترقیاتی منصوبوں کے حوالہ سے اجلاس، سرکاری و نجی اشتراک کے تحت بننے والے کامیاب منصوبوں کے حوالے سے بریفنگ
-
پاک ایران تجارتی معاہدوں پر امریکی دھمکی ورلڈ آرڈر کی ناکام صورتحال میں ناکارہ دھمکی ہے
-
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
-
موٹروے پر پولیس اہلکار کو ٹکر مار کر فرار ہونے والی خاتون گرفتار کر لی گئی
-
بلو رانی والے الفاظ ایف آئی آر میں کہاں ہیں؟
-
فرانس میں تیرہ سال سے کم عمر بچوں کے رات کےاوقات میں باہر نکلنے پر کرفیو عائد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.