پاکستان کی بنیادی ٹیکسٹائل برآمدات میں کمی چین کی اقتصادی سست روی کا نتیجہ ہے،ملک میں امن قائم ہونے کے بعد بیرون ممالک سے سرمایہ کار پاکستان کا رخ کر رہے ہیں،خام مال کی بجائے ویلیو ایڈڈ ٹیکسٹائل مصنوعات برآمد کرنے کی خواہشمند ہیں ،ریڈی میڈ گارمنٹس سیکٹر کی برآمدات میں اضافہ ہوا
وزیر تجارت انجینئر خرم دستگیر کی نمائش کے افتتاح کے بعد میڈیا سے گفتگو
ہفتہ 29 اگست 2015 20:05
لاہور(اُردو پوائنٹ اخبار تازہ ترین۔ 29 اگست۔2015ء) وفاقی وزیر تجارت انجینئر خرم دستگیر نے کہا ہے کہ ملک میں امن قائم ہونے کے بعد بیرون ممالک سے سرمایہ کار پاکستان کا رخ کر رہے ہیں ،حکومت خام مال کی بجائے ویلیو ایڈڈ ٹیکسٹائل مصنوعات برآمد کرنے کی خواہشمند ہے جس سے نہ صرف یہ سیکٹر ترقی کرے گابلکہ اس سے روزگا رکے مواقع بھی پیدا ہوں گے ،پاکستان کی بنیادی ٹیکسٹائل برآمدات میں کمی چین کی اقتصادی سست روی کا نتیجہ ہے ،ریڈی میڈ گارمنٹس سیکٹر کی برآمدات میں اضافہ ہوا ۔
وہ ہفتہ کو لاہور ایکسپو سنٹر میں14ویں ٹیکسٹائل ایشیاء انٹر نیشنل تجارتی نمائش کے افتتاح کے موقع پر میڈیا سے گفتگو کر رہے تھے ۔وفاقی وزیر تجارت نے بتایا کہ نمائش میں 300غیر ملکی شریک وفود شریک ہوئے ہیں جبکہ اس نمائش میں جدید مشینری اور مصنوعات کے 700سٹالز لگائے گئے ہیں۔(جاری ہے)
بیرونی وفود نے بر ملا کہا ہے کہ پاکستان ان کو پر امن ملک نظرآیا ہے اوریہاں کاروبار کے وسیع مواقع موجود ہیں۔
اس نمائش سے بیرونی دنیا میں پاکستان کا روشن اور پر امن تاثر ابھرے گا ۔ انہوں نے کہا کہ ملک میں کاروبار اور معیشت کی ترقی کے لئے امن کا قیام نا گزیر ہے اور پاک فوج سمیت دیگر قانون نافذ کرنے والے اداروں کے اقدامات کے باعث ملک میں امن قائم ہواہے جس سے بیرون ممالک سے سرمایہ کار پاکستان کا رخ کر رہے ہیں۔انہوں نے ٹیکسٹائل برآمدات میں کمی کے حوالے سے سوال کے جواب میں کہا ٹیکسٹائل سیکٹر کے خام مال کی برآمدات میں کمی واقع ہوئی ہے اور اس کی بنیادی وجہ چین کی معیشت کی سست روی ہے تاہم وہاں بہتری سے یہاں بھی مثبت اثرات پڑیں گے۔ انہوں نے کہا کہ حکومت خام مال کی بجائے ویلیو ایڈڈ ٹیکسٹائل مصنوعات برآمد کرنے کی خواہشمند ہے اور اس کے لئے جدید مشینری بھی منگوائی جارہی ہے ۔انہوں نے کہا کہ مذکورہ نمائش سے پاکستان میں ٹیکسٹائل گارمنٹس کی ڈیجیٹل پرنٹنگ کے دروازے کھلیں گے۔ انہوں نے مزید کہا کہ پاکستان میں ریڈی منٹس گارمنٹس کی برآمدات بڑھ رہی ہیں اور ایکسپورٹ بڑھنے سے روزگار کے مواقع بھی پیدا ہوں گے ۔نمائش میں شرکت کے لئے آئے ہوئے غیر ملکی وفود نے نمائش کے انتظامات پر اطمینان کا اظہار کرتے ہوئے کہا کہ انہیں پاکستان کا سفر کر کے بڑی خوشی محسوس ہو رہی ہے۔ پاکستان میں امن و امان کی بہتر ین صورتحال ہے ۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.