شہید ذوالفقارعلی بھٹویونیورسٹی آف لاء میں پہلی ستمبر سے کلاسز کا آغازہوجائے گا،گورنرسندھ
یونیورسٹی سے فارغ التحصیل طلبہ وطالبات معیاری تعلیم و تحقیق کے حصول کے ساتھ قانون کے شعبے میں مثالی پروفیشنلز ثابت ہونگے، ڈاکٹرعشرت العبادخان
جمعہ 28 اگست 2015 21:14
کراچی(اُردو پوائنٹ اخبار تازہ ترین۔ 28 اگست۔2015ء) گورنرسندھ ڈاکٹرعشرت العبادخان نے اس بات پرمسرت کا اظہار کیاہے کہ ملک کی قانون کی تعلیم کی یونیورسٹی شہید ذوالفقارعلی بھٹویونیورسٹی آف لاء میں پہلی ستمبر سے کلاسز کا آغازہوجائے گا۔وہ گورنرہاؤس میں منعقدہ یونیورسٹی کی سینیٹ کے اجلاس سے خطاب کررہے تھے۔اجلاس میں صوبائی مشیر قانون مرتضےٰ وہاب،رکن صوبائی اسمبلی خورشید احمد جونیجو،پرنسپل سیکریٹری محمد حسین سید، مشیر اعلیٰ تعلیم سیدوجاھت علی اور دیگراراکین سینیٹ اورمتعلقہ حکام نے شرکت کی۔
وائس چانسلر ڈاکٹر قاضی خالد علی نے اجلاس کی نظامت کرتے ہوئے لاء یونیورسٹی کی کارکردگی اورمستقبل کے پروگرام پر روشنی ڈالی۔گورنرسندھ ڈاکٹرعشرت العباد خان نے یونیورسٹی کے مرکزی کیمپس کے مستحکم قیام کے ساتھ صوبے کے تمام ڈویژنز میں اس کے کیمپسز قائم کرنے کی ھدایت کی۔(جاری ہے)
انھوں نے داخلوں سمیت یونیورسٹی کے تمام امور میں میرٹ کو یقینی بنانے پر بھی زوردیا۔
انھوں نے یقین ظاہر کیا کہ یونیورسٹی سے فارغ التحصیل طلبہ وطالبات معیاری تعلیم و تحقیق کے حصول کے ساتھ قانون کے شعبے میں مثالی پروفیشنلز ثابت ہوں گے۔گورنرسندھ نے کہاکہ یونیورسٹی کی جانب سے تحقیقی شعبے پرتوجہ اور پی ایچ ڈی کے لئے پیش رفت مستحسن اقدام ہے۔ انھوں نے یونیورسٹی کے قیام اورقلیل مدت میں اسے فعال بنانے میں ڈاکٹر قاضی خالد علی کی کاوشوں کو سراہا۔انھوں کہا کہ لاء یونیورسٹی کے ان کے خواب کو پایہ تکمیل تک پہنچانے میں انہوں نے مثالی کردار ادا کیا۔ وائس چانسلر جسٹس(ر)قاضی خالدعلی نے بتایاکہ یونیورسٹی میں اب تک دوسو کے قریب داخلے ہوچکے ہیں جن میں 36 پی ایچ ڈی (قانون)کے امیدوارشامل ہیں۔گورنرسندھ ڈاکٹر عشرت العباد خان نے اس بات کوبھی سراہا کہ اعلیٰ پایہ کے تعلیم یافتہ، رہٹائرڈ ججز سینئر قانون دان اوربیرون ملک(foreign)سے فارغ التحصیل نوجوان بیرسٹرز یونیورسٹی کی فیکلٹی میں شامل کئے گئے ہیں۔ اجلاس میں یونیورسٹی کے قیام کے معاملے پر بھی غور کیاگیا،مشیرقانون بیرسٹر مرتضےٰ وہاب نے اس ضمن میں وزیراعلیٰ اور اراکین کا بینہ سے مشاورت اور خوش اسلوبی سے معاملے کو حل کرنے کی یقین دہانی کروائی۔ اس موقع پرملازمین کی تنخواہوں اور الاؤنسز کو حکومتی قوانین وضوابط کے مطابق نافذ کرنے کی منظوری دی گئی جبکہ اینڈومنٹ فنڈ ، پراویڈنٹ فنڈاور بینوولنٹ فنڈ کے قیام کی بھی منظوری دی گئی۔ اجلاس میں شہید ذوالفقار علی بھٹو یونیورسٹی آف لاء کے تحت کراچی میں تین روزہ انٹرنیشنل لیگل ایجوکیشن کانفرنس منعقد کرنے کے فیصلے سے بھی اتفاق کیاگیا۔اس ضمن میں حکومتی سطح پر بھرپور تعاون کا عندیہ دیاگیا۔ وائس چانسلر ڈاکٹر قاضی خالد علی نے یونیورسٹی کے قیام اور منصوبے کو عملی صورت دینے میں گورنرسندھ ڈاکٹرعشرت العبادخان، وزیراعلیٰ سید قائم علی شاہ اور متعلقہ حکام کے تعاون کو مثالی قراردیا اور ان کا شکریہ اداکیا۔مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد ہائیکورٹ نے ضلعی انتظامیہ کا نان روٹی کی قیمتوں میں کمی کا نوٹیفکیشن معطل کردیا
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.