صدر ممنون حسین کا فاٹا کیلئے اربوں روپے کے ترقیاتی منصوبوں کا اعلان
قبائلی عوام نے مردانہ وار مسائل کا مقابلہ کر کے وطنِ عزیز کے دیگر علاقوں کو بہت سے مسائل سے بچا لیا، آپ لوگوں کو اگر محسنینِ پاکستان کا خطاب دیا جائے تو اس میں کوئی مبالغہ نہ ہوگا، فاٹا کے عوام پاکستان کی معیشت، کاروبار، سیاست اور فوج سمیت زندگی کے ہر شعبے میں غیر معمولی خدمات سرانجام د ے رہے ہیں جس پر قوم کو اِن پر فخر ہے صدر مملکت ممنون حسین کا خیبر ایجنسی کے جرگہ سے خطاب
جمعرات 27 اگست 2015 18:06
لنڈی کوتل ( اُردو پوائنٹ اخبار تازہ ترین۔ 27 اگست۔2015ء ) صدر مملکت ممنون حسین نے فاٹا کے لیے اربوں روپے کے ترقیاتی منصوبوں کا اعلان کر دیا، انکا کہنا ہے کہ قبائلی عوام نے مردانہ وار مسائل کا مقابلہ کر کے وطنِ عزیز کے دیگر علاقوں کو بہت سے مسائل سے بچا لیا۔ آپ لوگوں کو اگر محسنینِ پاکستان کا خطاب دیا جائے تو اس میں کوئی مبالغہ نہ ہوگا۔جمعرات کو یہ بات صدر مملکت ممنون حسین نے لنڈی کوتل میں خیبر ایجنسی کے جرگہ سے خطاب کرتے ہوئے کہی۔
صدر مملکت نے کہا کہ کہ فاٹا کے عوام پاکستان کی معیشت، کاروبار، سیاست اور فوج سمیت زندگی کے ہر شعبے میں غیر معمولی خدمات سرانجام د ے رہے ہیں جس پر قوم کو اِن پر فخر ہے۔ صدر مملکت نے کہا کہ دہشت گردی کی وجہ سے قبائلی علاقوں کے انفراسٹرکچر، اسکول ، کالج اور اسپتال تباہ ہو گئے ان مسائل کا حل حکومت کی ترجیحات میں شامل ہے۔(جاری ہے)
صدر مملکت نے کہا کہ آپریشن کی تکمیل کے بعد ضروری ہے کہ سول انتظامیہ علاقے کا کنٹرول سنبھالے۔
اس مقصد کے لیے لیویز میں نئی آسامیاں منظور کی جارہی ہیں اور انہیں ضروری سازوسامان بھی مہیا کیا جارہا ہے۔ انھوں نے کہا کہ بازار ذخہ خیل اور باڑہ کی ترقی کا منصوبہ سالانہ تر قیاتی پروگرام میں شامل کر دیا گیا ہے۔ ملاگوری ماربل انڈسٹریل زون کی بہتری کے لیے بھی کام جاری ہے۔ انھوں نے کہا کہ باڑہ کو تیراہ اور جمرود کوچھپری سے ملانے کے لیے سڑکوں کی تعمیر کی منظوری بھی دی جاچکی ہے۔ ان منصوبوں پرجلد ہی کام بھی شروع ہو جائے گا۔ صدر مملکت نے کہا کہ خیبر ایجنسی میں اعلیٰ تعلیم کے فروغ کے لیے ڈائریکٹر ایجوکیشن کو ہدایت کر دی گئی ہے کہ وہ نئی آسامیوں کے لیے فوری طور پر کارروائی مکمل کریں اور یقینی بنایا جائے کہ کوئی طالب علم داخلے سے محروم نہ رہے۔ صدر مملکت نے یقین دلایا کہ قبائلی عمائدین اور اراکین پارلیمنٹ کی مشاورت سے فاٹا اصلاحاتی کمیشن بھی جلد اپنا کام مکمل کرلے گا تاکہ نظام کی خرابیوں کو دور کر کے فاٹا کو ملک کے باقی علاقوں کے برابر لایا جاسکے۔ اس موقع پر صدر مملکت نے قبائلی علاقوں میں نئی سڑکیں اور سپورٹس اسٹیڈیم قائم کرنے کا بھی اعلان کیا۔صدر مملکت نے کہا کہ دہشتگردی کے مکمل خاتمے کا واحد راستہ یہی ہے کہ قبائل اور ان کے مشران حکومت کے شانہ بشانہ کھڑے ہوں اس مقصد کئے لیے قبائلی مشِران اور عوام نے مانیٹرنگ کے لیے سریشتے تشکیل دے دیئے ہیں۔ صدر مملکت نے یقین دلایا کہ سریشتوں کو نہ صرف مضبوط بنایا جائے گا بلکہ مسائل سے نمٹنے کے لیے انہیں اختیار رات بھی دیئے جائیں گے۔صدر مملکت نے اس امر پر مسرت اور اطیمنان کا اظہار کیا کہ بے گھر افراد کی واپسی کا عمل تیزی سے جاری ہے اور صرف خیبر ایجنسی میں آپریشن خیبر ون کے بعد تقریباً66 ہزار سے زائد خاندان واپس اپنے گھروں کو پہنچ چکے ہیں۔ صدر مملکت نے یقین دلایا کہ نئی زندگی شروع کرنے کے لیے حکومت انہیں تنہا نہیں چھوڑے گی۔ اس موقع پر صدر مملکت نے جرگہ کے لیے بیس لاکھ روپے کا بھی اعلان کیا۔ تقریب سے خطاب کرتے ہوئے گورنر خیبر پختون خواہ مہتاب عباسی نے کہا کہ قبائلی علاقوں میں بسنے والے اقلیتوں کو ڈومیسائل دینے کا فیصلہ کر لیا گیا ہے اور جرگہ میں بھی اقلیتی برادری کو نمائندگی دی جائے گی۔مزید اہم خبریں
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
-
وزیرِ اعظم نے سرمایہ کاری بورڈ کو ملک میں سرمایہ کاری اور نئے کاروبار کے آغاز کیلئے مزید آسانیاں پیدا کرنے کا ہدف دے دیا ، ون ونڈو آپریشن کی طرز پر طریقہ کار وضع کرنے کی ہدایت
-
فرانس میں پاکستان کے سفیر عاصم افتخاراحمد کا سینڈیلن میں پاکستان کے ایونٹنگ پیرس اولمپکس 2024 کے تربیتی کیمپ کا دورہ
-
روبینہ خالد نے بینظیرانکم سپورٹ پروگرام کی چیئرپرسن کی حیثیت سے ذمہ داریاں سنبھال لیں
-
پاکستان کے سیٹلائٹ آئی کیوب قمر نے چاند کے تین چکر کامیابی سے مکمل کرنے کے بعد مدار سے ابتدائی تصاویر بھیج دیں
-
بلاول بھٹو زرداری سے بینظیر انکم سپورٹ پروگرام کی چیئرپرسن سینیٹرروبینہ خالد کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.