بارکھان ،موسلادھار بارشوں نے تباہی مچادی ،کئی کچے مکانات منہدم ،کروڑوں روپے کے نقصانات

بدھ 5 اگست 2015 16:37

بارکھان(اُردو پوائنٹ اخبار تازہ ترین۔05اگست۔2015ء ) بلوچستان نیشنل پارٹی مینگل کے ضلعی ترجمان نے اپنے ایک ہنگامی پریس ریلیز جاری کرتے ہوئے کہا ہے کہ حالیہ بارشوں نے پورے ضلع میں تباہی مچا دی ہے ۔سینکڑوں کچے مکانات منہدم ہو چکے ہیں ۔لوگ کھلے آسمان تلے بے سرو سامان زندگی گزارنے پر مجبور۔ہزاروں مال مویشی سیلابی ریلوں کیساتھ بہہ گئے۔

(جاری ہے)

سیب کے باغات،آلو ،ٹماٹر ،مرچ،و کپاس کی کھڑی فصلیں تباہ ہوگئی ہیں، پور ے ضلع میں مختلف مقامات پر گورنمنٹ پرائمری سکول کی کچی عمارات زمیں بوس ہو گئی۔

صوبائی و ضلعی حکومت کی طرف کوئی خاص توجہ نہیں دی گئی ۔صرف چند ایک مقامات پر جا کر فوٹو سیشن کیا گیاہے،امدادی سامان ،ٹینٹ ،کمبل،مچھردانیاں صرف منظور نظر لوگوں کو دیا جا رہا ہے۔ہم ضلعی انتظامیہ سے اپیل کرتے ہیں کے متاثرہ علاقوں کا دورہ کرے تاکہ وہاں حقدار لوگوں کو امداد پہنچ سکے۔پورے ضلع کو آفت زدہ قرار دیکر زرعی قرضے معاف کئے جائیں۔

Facebook Twitter Google + Share on Whatsapp

بارکھان ،موسلادھار بارشوں نے تباہی مچادی ،کئی کچے مکانات منہدم ،کروڑوں روپے کے نقصانات

متعلقہ عنوان :

مزید اہم خبریں