ملک دشمن عناصر کراچی آپریشن کے خلاف سازشوں میں مصروف ہیں، ترجمان رینجرز

منگل 4 اگست 2015 23:06

کراچی(اُردو پوائنٹ اخبار تازہ ترین۔04اگست۔2015ء) ترجمان رینجرز کا کہنا ہے کہ ملک دشمن عناصر سیاسی جماعتوں کی آڑ میں کراچی آپریشن کے خلاف سازشوں میں مصروف ہیں۔

(جاری ہے)

منگل کو ترجمان رینجرز کی جانب سے جاری بیان میں کہا گیا ہیکہ ملک دشمن عناصر مختلف شخصیات کے ذریعے عوام میں بے چینی پھیلانے کی کوشش کررہے ہیں جب کہ شرپسند عناصر سیاسی جماعتوں کی آڑ میں کراچی آپریشن کے خلاف سازشوں میں بھی مصروف ہیں۔

ترجمان کا کہنا تھا کہ شر پسند عناصر امن سے گھبرا کر ایسی حرکتیں کررہے ہیں جو کراچی کے امن اور عوام کے خلاف ایک منصوبہ ہے تاہم رینجرز اور سندھ بھر کیعوام ایسی تمام سازشوں کو ناکام بناچکے ہیں۔ترجمان کا کہنا تھا کہ عوام آئندہ بھی شرپسند عناصر کی کوششوں کو ناکام بنائیں گے جب کہ عوام اور میڈیا قانون نافذ کرنے والے اداروں کے خلاف افواہوں کی تصدیق رینجرز سے کریں۔