الطاف حسین کا دل بھارت کے لئے دھڑکتا ہے،سندھ نیشنل پارٹی کے رہنما اشرف نوناری
منگل 4 اگست 2015 22:54
کراچی/حیدرآباد (اُردو پوائنٹ اخبار تازہ ترین۔04اگست۔2015ء) سندھ نیشنل پارٹی نے ملکی سالمیت کے خلاف کام کرنے والے جماعت متحدہ قومی موومنٹ پر فوری پابندی نہ لگانے پر متحدہ کی دفاتر کی خود تالا بندی کی دھمکی دے دی،پاکستان بنانے میں مہاجروں کی بڑی قربانیاں ہیں مگر مہاجروں کے نام نہاد لیڈر کا دل اب بھی ہندوستان کے لئے دھڑکتا ہے،جس کے باعث مہاجروں کے سرشرم سے جھک گئے ہیں مگر مہاجر قوم کی ملک سے وفاداری پر کوئی شک نہیں کیاجاسکتا،باشعور اردوبولنے والے فوری الطاف حسین سے مہاجر قوم کی لاتعلقی اعلان کریں، سندھ نیشنل پارٹی کے مرکزی رہنماء اشرف نوناری نے اپنے ایک بیان میں کہا ہے کہ متحدہ قائد الطاف حسین کی تقاریر سے ظاہر ہوگیا کہ وہ ملک دشمن ہیں اور ان کا مقصد صرف اور صرف ملک توڑنا اور ریاستی اداروں کو کمزور کرنا ہے،اشرف نوناری نے کہاکہ متحدہ قومی موومنٹ میں شامل سندھیوں،بلوچوں،پختونوں،پنجابیوں،سرائیکوں ،کشمیریوں سمیت تمام قوموں سے تعلق رکھنے والے افراد ملک دشمن جماعت متحدہ قومی موومنٹ سے فوری علیحدگی کا اعلان کریں ورنہ انہیں بھی تاریخ ملک دشمن کے نام سے یادرکھے گی،انہوں نے کہاکہ ایم کیوایم ملک کے لئے مذہبی دہشتگردوں اور طالبان سے بھی خطرناک ہے جس پر فوری پابندی عائد کی جائے،اگر حکومت نے ملک دشمن جماعت پر پابندی نہیں لگائی تو سندھ نیشنل پارٹی خود متحدہ قومی موومنٹ کے سندھ میں قائم تمام دفاتر کو مرحلے وار تالے لگادے گی،اشرف نوناری نے کہا کہ اردوبولنے والوں نے پاکستان کے قیام کے لئے قربانیاں دی ہیں جیسے کوئی فراموش نہیں کرسکتا اور کسی بھی مہاجر کی ملک سے وفاداری پر شک کا تصور بھی نہیں کیاجاسکتا،انہوں نے کہا کہ آج متحدہ قومی موومنٹ القائدہ،طالبان اور داعش جیسے تنظیموں کی صف میں کھڑی ہے ملک توڑنے اور ریاستی اداروں کو کمزور کرنے کے لئے اپنے بیرونی آقاؤں کو مدد کے لئے طلب کررہی ہے،اشرف نوناری نے کہا کہ کراچی پاکستان کی شہ رگ ہے اسے دہشتگردی سے پاک کرنے کے لئے دہشتگردوں کے سب سے بڑے ٹھکانے متحدہ کے مرکز 90زیرو کو فوری مسمار کیا جائے اور الطاف حسین کے بیان کی حمایت کرنے والی رابطہ کمیٹی ،ارکان قومی وصوبائی اسمبلی اور ذمہ داران کے خلاف سرکار کی مدعیت میں آرٹیکل 6کے تحت بغاوت کے مقدمات درج کرکے انہیں فوجی عدالتوں میں بھیجا جائے، انہوں نے کہا کہ سندھ نیشنل پارٹی پرامن سندھ اور سندھ میں رہنے والے ہرشہری کے حقوق کے لئے رینجرز اور افواج پاکستان کی قربانیوں اور جاری رینجرز کی بھرپور حمایت جاری رکھے گی۔
متعلقہ عنوان :
مزید اہم خبریں
-
اسلام آباد سمیت مختلف علاقوں میں زلزلے کے شدید جھٹکے
-
سعودی عرب میں تعینات پاکستانی سفیر نے سعودی ولی عہد کو سفارتی اسناد پیش کردیں
-
خواجہ سلمان رفیق کی پی آئی سی کے آپریشن تھیٹرز 10 اپریل تک مکمل کرنے کی ہدایت
-
ڈیجیٹل منتقلی کے ذریعے ملک ترقی کی راہ پر گامزن ہو سکتا ہے، وزیر مملکت برائے آئی ٹی شزہ فاطمہ خواجہ
-
پرویزالٰہی کو گزشتہ رات پسلیوں میں درد کی شکایت
-
پاکستان اور چین شانگلہ حملے کی تحقیقات سے متعلق رابطے میں ہیں، دفترخارجہ
-
وزیراعظم سے ملاقات کے بعد چیف جسٹس نے فل کورٹ کااجلاس دوبارہ طلب کرلیا
-
غزہ کے عوام پر اسرائیل کی مسلط کردہ جنگ بلا روک ٹوک جاری ، فلسطینی عوام کو بھوک اور نسل کشی کا سامنا ہے، ترجمان دفترخارجہ
-
پنجاب اسمبلی اجلاس ،اپوزیشن کے شورشرابے میں مالی سال 2023-24ءکے بجٹ کی منظوری
-
عطاتارڑ کی این ای127،سمیع اللہ خان کی پی پی 145سے کامیابی کا نوٹیفکیشن چیلنج
-
وسطی کرم میں کوئلے کی کان میں گیس بھرنے سے 4مزدور جاں بحق ہوگئے
-
پاکستان نے اسرائیل کو ہتھیاروں کی فراہمی پر پابندی کی حمایت کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.