آڈیٹر جنرل آف پاکستان رانا اسد امین نے آڈیٹر جنرل آف گلگت بلتستان کے عہدے کا حلف اٹھا لیا
شفافیت کو یقینی بنانے کے لئے آڈٹ کی تمام سفارشات پر عملدرآمد کیا جائے گا ٗ وزیر اعلیٰ
منگل 4 اگست 2015 22:25
اسلام آباد (اُردو پوائنٹ اخبار تازہ ترین۔04اگست۔2015ء) آڈیٹر جنرل آف پاکستان رانا اسد امین نے آڈیٹر جنرل آف گلگت بلتستان کے عہدے کا حلف اٹھا لیا۔ حلف برداری کی سادہ مگر پروقار تقریب سپریم اپیلیٹ کورٹ گلگت میں منعقد ہوئی قائم مقام چیف جسٹس سپریم اپیلیٹ کورٹ آف گلگت بلتستان جسٹس راجہ جلال الدین نے حلف لیا۔ حلف برداری کی تقریب میں صوبائی وزراء ڈاکٹر محمد اقبال، فرمان علی، چیف سیکرٹری جی بی طاہر حسین، رجسٹرار چیف کورٹ ممتاز احمد، ڈی جی پی آر، جی بی کے علاوہ دوسرے اہم محکموں کے سربراہان نے شرکت کی۔
گلگت بلتستان گورننس آرڈز 2009ء کے تحت آڈیٹر جنرل آف پاکساتن ہی آڈیٹر جنرل آف گلگت بلتستان کا عہدہ سنبھالتا ہے۔ منگل کو آڈیٹر جنرل آف پاکستان کے دفتر سے جاری اعلامیہ کے مطابق حلف لینے کے بعد رانا اسد امین نے وزیراعلیٰ گلگت بلتستان حفیظ الرحمن سے ملاقات کی اور جی بی میں آڈٹ سے متعلق معاملات پر تبادلہ خیال کیا۔(جاری ہے)
وزیراعلیٰ نے اس موقع پر آڈیٹر جنرل جی بی کو یقین دلایا کہ وہ جلد ہی پبلک اکاؤنٹس کمیٹی کا قیام عمل میں لائیں گے اور تمام محکموں میں شفافیت کو یقینی بنائیں گے۔
بدعنوانی میں ملوث محکموں کا اسپیشل آڈٹ کیا جائے۔ انہوں نے کہا کہ شفافیت کو یقینی بنانے کے لئے آڈٹ کی تمام سفارشات پر عملدرآمد کیا جائے گا۔ سابقہ دور میں پبلک اکاؤنٹس کمیٹی کے غیرفعال ہونے اور آڈٹ سفارشات پر عملدرآمد نہ کرنے سے مختلف محمکموں میں بدعنوانی اور مالی بے ضابطگیوں میں اضافہ ہوا۔ آڈیٹر جنرل آف گلگت بلتستان رانا اسد امین نے وزیراعلیٰ کو جی بی کے سرکاری محکموں میں بدعنوانی کے خاتمہ کے لئے یقین دہانی کرواتے ہوئے کہا کہ عوام کوسماجی و معاشرتی انصاف دلانا نہ صرف ہماری آئینی بلکہ اخلاقی ذمہ داری بھی ہے۔ آڈیٹر جنرل آف گلگت بلتستان رانا اسد امین نے اکاؤنٹنٹ جنرل گلگت بلتستان ڈی جی پی آر اور ڈی جی آڈٹ جی بی کے دفاتر کا بھی دورہ کیا اس دوران انہیں متعلقہ دفاتر کے بارے میں تفصیلی بریفنگ دی گئی۔ آڈیٹر جنرل نے انہیں گلگت بلتستان میں آڈٹ کے نظام کو بہتر بنانے کے لئے اصلاحات متعارف کرانے کا حکم دیا۔متعلقہ عنوان :
مزید اہم خبریں
-
دنیا بھر میں خود پسند حکمرانوں والی ریاستوں کی تعداد جمہوریتوں سے زیادہ
-
جرمنی انسانی حقوق کی صورتحال میں بہتری لائے، یورپی کونسل
-
محمد نواز شریف کیخلاف توشہ خانہ گاڑیوں کے کیس میں نیب نے تفتیش کی روشنی میں رپورٹ جمع کروانے کے لیے مہلت مانگ لی
-
چودھری پرویز الٰہی کے کاغذات نامزدگی روکنے کے معاملے پر متعلقہ تحریری حکم نامہ جاری
-
لانگ مارچ کے دوران توڑ پھوڑ کے 2 مقدمات میں بانی پی ٹی آئی بری
-
بجلی 5روپے فی یونٹ مہنگی ہونے کا امکان
-
نواز شریف کی سعودی عرب اور پھر لندن روانگی کا امکان
-
شاہد خاقان عباسی و دیگر ملزمان کیخلاف ایل این جی ریفرنس کی سماعت بغیر کارروائی 23 اپریل تک ملتوی
-
وزیراعظم محمد شہباز شریف سے پاکستان میں کویت کے سفیر کی ملاقات
-
وزیراعظم محمد شہباز شریف سے جیولن تھرو اتھلیٹ ارشد ندیم کی ملاقات، وزیراعظم کی طرف سے ارشدندیم کیلئے 25 لاکھ روپے انعام کا اعلان
-
سپریم کورٹ نے جعلی ڈگر پر نااہلی کیخلاف نظرثانی درخواست پر سابق ایم پی اے ثمینہ خاور حیات کی نااہلی ختم کر دی
-
فواد چوہدری کے خلاف نجی ہاؤسنگ سوسائٹی سے مبینہ رشوت وصولی معاملے پر ریکارڈ دواپریل کو طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.