ژوب میں حالیہ بارشوں اور سیلاب سے تقریباً دو ارب روپے سے زائد کا نقصان ہوا ، میر عبدالکریم نوشیروانی
تین فلڈ پروٹیکشن بند ٹوٹ گئے ہیں ، تمام فصلیں تباہ ہو کر رہ گئی ہیں ، رکن صوبائی اسمبلی تباہ کاریوں کے تدارک کیلئے اقدامات نہ اُٹھائے گئے تو ژوب کے لوگوں کو مزید مالی نقصانات اُٹھانے پڑیں گے،صحافیوں سے بات چیت
منگل 4 اگست 2015 20:30
کوئٹہ ( اُردو پوائنٹ اخبار تازہ ترین۔04اگست۔2015ء ) مسلم لیگ (ق) بلوچستان کے جنرل سیکرٹری اور رکن صوبائی اسمبلی میر عبدالکریم نوشیروانی نے کہا ہے کہ ژوب میں حالیہ بارشوں اور سیلاب سے تقریباً دو ارب روپے سے زائد کا نقصان ہوا ہے تین فلڈ پروٹیکشن بند ٹوٹ گئے ہیں اور تمام فصلیں تباہ ہو کر رہ گئی ہیں تقریباً پندرہ سے بیس گاؤں سیلاب میں ڈوبے ہوئے ہیں جبکہ دھانہ سر روڈ بیس روز سے بند پڑا ہے اور پانچ سو سے زائد گاڑیاں اس روڈ پر پھنسی ہوئی ہیں۔
یہ بات انہوں نے ژوب کے مختلف علاقوں کے دورے کے بعد صحافیوں سے بات چیت کرتے ہوئے کہی ان کے ہمراہ ڈپٹی کمشنر ژوب، قبائلی عمائدین اور مسلم لیگ (ق) کے عہدیداران اور کارکن بھی موجود تھے۔ رکن صوبائی اسمبلی میر عبدالکریم نوشیروانی نے کہا کہ حکومت کو چاہیے کہ وہ فوری طور پر فلڈ پروٹیکشن بند جو ٹوٹ گئے ہیں ان کی تعمیر کا کام شروع کرے اگر فوری طور پر اس طرف توجہ نہ دی گئی تو بڑی آبادی ڈوبنے کاخطرہ لاحق ہے اسی طرح دھانہ سر روڈ جو کہ بین الاقوامی روڈ ہے اور تین صوبوں کو آپس میں ملاتا ہے اس کے راستے میں برج اور دیگر پل ٹوٹے ہوئے ہیں جس کی وجہ سے پانچ سو سے زائد گاڑیاں پھنسی ہوئی ہیں لیکن حکومت اور این ایچ اے کی طرف سے خاموشی قابل تشویش ہے انہوں نے کہا کہ اس روڈ کو فوری طور پر کھولنے کیلئے اقدامات کئے جائیں کیونکہ جو گاڑیاں پھنسی ہوئی ہیں ان میں سبزیوں کے علاوہ فروٹ اور دیگر اشیاء خوردونوش بھی لدا ہوا ہے جو کہ خراب ہورہا ہے انہوں نے کہا کہ ژوب میں واپڈا کے تقریباً پچاس کھمبے گر گئے ہیں اور بجلی کا نام و نشان نہیں ہے اور ان کی بحالی کیلئے واپڈا ابھی تک ہاتھ پر ہاتھ رکھے بیٹھا ہے اسی طرح آبنوشی کے تقریباً 45 کنویں متاثر ہوئے ہیں انہوں نے کہا کہ ژوب میں ڈپٹی کمشنر، انتظامیہ عوام کے ساتھ بھرپور تعاون کررہی ہے جبکہ ہمارے ورکرز بھی دن رات امدادی کاموں میں ان کا ہاتھ بٹارہے ہیں وسائل نہ ہونے کی وجہ سے مشکلات ہیں لیکن اس کے باوجود انتظامیہ جس دلجوئی سے کام کررہی ہے وہ خراج تحسین کے لائق ہے۔(جاری ہے)
متعلقہ عنوان :
مزید اہم خبریں
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.