بھارتی فورسز کی پھر بلا اشتعال فائرنگ ٗتین شہری شہید ٗ خواتین اور بچوں سمیت22ز خمی ٗ بعض کی حالت نازک

پاک فوج کی جوابی کارروائی پر بھارتی توپیں خاموش ٗ فائرنگ سے تبادلہ سے علاقے میں خوف وہراس پھیل گیا کور کمانڈرز کانفرنس میں آرمی چیف جنرل راحیل شریف نے لائن آف کنٹرول پر پاک فوج کی مستعدی کو سراہا پاکستان کا بلا اشتعال فائرنگ پر شدید احتجاج ٗ بھارت سے لائن آف کنٹرول اور ورکنگ باؤنڈری پر امن و آشتی برقرار رکھنے کیلئے 2003ء سیز فائر مفاہمت کی پاسداری کا مطالبہ پاکستان کی جانب سے چلنے والے مارٹر گولے سے مقبوضہ کشمیر میں ایک نو جوان مار اگیا ٗ انسپکٹر جنرل پولیس دنیشن رانا کا دعویٰ پاک رینجرزکی جوابی کارروائی ٗ بھارتی اہلکار مورچے چھوڑ کر فرار ٗ بھارت کی لوگوں کو گھرو ں میں رہنے کی ہدایت

منگل 4 اگست 2015 20:18

راولپنڈی/سیالکوٹ/اسلام آباد/سرینگر(اُردو پوائنٹ اخبار تازہ ترین۔04اگست۔2015ء) بھارتی فورسز کی جانب سے ایک بار پھر بلا اشتعال فائرنگ سے تین شہری شہید ٗ خواتین اور بچوں سمیت22ز خمی ہوگئے ٗزخمیوں میں بعض کی حالت نازک ہے جس کے باعث شہادتوں میں اضافے کاخدشہ ہے ٗ پاک فوج کی جوابی کارروائی پر بھارتی توپیں خاموش ہوگئیں ٗ فائرنگ سے تبادلہ سے علاقے میں خوف وہراس پھیل گیا جبکہ پاکستان نے بھارت کی جانب سے بلا اشتعال فائرنگ پر شدید احتجاج کرتے ہوئے بھارت پر زور دیا ہے کہ وہ لائن آف کنٹرول اور ورکنگ باؤنڈری پر امن و آشتی برقرار رکھنے کے لئے 2003ء سیز فائر مفاہمت کی پاسداری کرے ۔

آئی ایس پی آر کے مطابق بھارتی فوج کی سیالکوٹ کے قریب ورکنگ باؤنڈری پر پکھلیاں سیکٹربجوات میں بلااشتعال فائرنگ سے چودہ سالہ بچے سمیت دوشہری جاں بحق اورچھ افرادزخمی ہوگئے،جن میں خواتین اوربچے بھی شامل ہیں ،بیان کے مطابق منگل کو بھارتی فوج نے سیز فائر کی خلاف ورزی کرتے ہوئے سیالکوٹ کے قریب ورکنگ باؤنڈری پرپکھلیاں سیکٹربجوات میں بلااشتعال فائرنگ کا سلسلہ ایک بار پھر شروع کردیاجس کا پاکستانی سیکورٹی فورسز نے بھرپورجواب دیا بھارتی فائرنگ سے جاں بحق ہونیو الوں میں سکھیال کا رہائشی چودہ سالہ محمد آصف اورکچی منڈگاؤں کا رہائشی 22سالہ محمد عدنان شامل ہیں ذرائع کے مطابق بعد ایک ایک اور زخمی فیصل زخموں کی تاب نہ لاتے ہوئے شہید ہوگیا جس کے بعد شہداء تعداد تین ہوگئی زخمیوں میں خیری گاؤں کی رہائشی 45سالہ شہناز بی بی اورمحمد صادق سکھیال کے رہائشی محمد اکرم ،محمد اسلم،فاطمہ بی بی ٗقاصرو دیگر شامل ہیں۔

(جاری ہے)

پنجاب رینجرز کی جوابی کارروائی سے بھارتی مورچے چھوڑ کر فرارہوگئے زخمیوں کو علاج کیلئے مقامی ہسپتالوں میں داخل کرادیا گیا فائرنگ کے تبادلے کے بعد علاقے میں خوف وہراس پھیل گیا تاہم لوگوں نے پاک فوج زندہ کے بعد نعرے لگائے ۔ نجی ٹی وی کے مطابق کور کمانڈرز کانفرنس میں آرمی چیف جنرل راحیل شریف نے لائن آف کنٹرول پر پاک فوج کی مستعدی کو سراہا۔

ادھر ہندوستان کی جانب سے دعویٰ کیا گیا کہ منگل کو جموں سیکٹر پر کناچک اور پرگوال کے علاقوں میں پاکستان رینجرز کی جانب سے چھوٹے ہتھیاروں اور مارٹر بموں کا استعمال کیا گیاادھر مقبوضہ کشمیر کے انسپکٹر جنرل پولیس دنیش رانا نے شیلنگ کے نتیجے میں ایک نوجوان ہلاک ہوگیا ٗ علاقہ مکینوں سے درخواست کی جارہی ہے کہ وہ اپنے گھروں میں رہیں انہوں نے دعویٰ کیا کہ نوجوان پاکستان کی جانب سے چلنے والے ایک مارٹر گولے کا اپنے گھر کے قریب نشانہ بناانہوں نے دعویٰ کیا کہ یہ واقعہ سری نگر سے 340 کلو میٹر جنوب میں واقع پرگوال سیکٹر میں پیش آیاادھر دفتر خارجہ کی طرف سے جاری بیان کے مطابق پاکستان کی حکومت نے قیمتی جانوں کے ضیاع پر سوگوار خاندانوں سے تعزیت اور دلی ہمدردی کا اظہار کیا۔

بیان کے مطابق بھارت کی طرف سے سیز فائر کی بلا اشتعال خلاف ورزیاں منگل کی صبح ساڑھے 5 بجے نیو کین اور دو دیگر چوکیوں پر شروع ہوئیں۔ پاکستانی چوکیوں نے اس اشتعال انگیزی کا جواب دیا۔ بھارتی فوجیوں نے بعد ازاں شہریوں اور دیہات کو نشانہ بناتے ہوئے علاقے میں اپنی تمام چوکیوں سے فائر کھول دیا۔ پاکستان کی حکومت نے لائن آف کنٹرول اور ورکنگ باؤنڈری پر بھارت کی جانب سے بلا اشتعال سیز فائر خلاف ورزیوں اور شہریوں کو نشانہ بنانے پر اپنی گہری تشویش کا اظہار کیا۔

سیز فائر خلاف ورزیوں کی مذمت کرتے ہوئے پاکستان کی حکومت نے بھارت پر زور دیا ہے کہ وہ سیز فائر کی خلاف ورزیاں فوری طور پر بند کرے اور لائن آف کنٹرول اور ورکنگ باؤنڈری پر امن و آشتی برقرار رکھنے کے لئے 2003ء سیز فائر مفاہمت کی پاسداری کرے۔