خدمت خلق کے جذبے کو اپنی ذات کا حصہ بنا کر ہم اپنی زندگی کو سہل اور آخرت کو خوبصورت بنا سکتے ہیں ‘ملک رفیق رجوانہ
انسانی تاریخ گواہ ہے جنہوں نے خدمت انسانیت کو اپنا شعار بنایا وہ مرنے کے بعد زندہ و جاوید رہے ، ہمیشہ کیلئے اپنے آپ کو امر کر گئے خصوصی بچے کسی بھی لحاظ سے صلاحیتوں کے اعتبار سے عام انسان سے کم نہیں بلکہ قدرت نے اگر ان کی کسی ایک حس میں کمی کی ہے تو کسی دوسری حس میں غیر معمولی صلاحیتوں کے مالک ہو تے ہیں ‘گورنرپنجاب کا تقریب سے خطاب
منگل 4 اگست 2015 20:11
لاہور(اُردو پوائنٹ اخبار تازہ ترین۔04اگست۔2015ء ) گورنر پنجاب ملک محمد رفیق رجوانہ نے کہا ہے کہ خدمت خلق کے جذبے کو اپنی ذات کا حصہ بنا کر ہم اپنی زندگی کو سہل اور آخرت کو خوبصورت بنا سکتے ہیں انسانی تاریخ گواہ ہے کہ جنہوں نے خدمت انسانیت کو اپنا شعار بنایا وہ مرنے کے بعد زندہ و جاوید رہے اور ہمیشہ کے لیے اپنے آپ کو امر کر گئے ، خصوصی افراد کو عام زندگی میں واپس لانے اور ان کی تربیت کرنے والے درحقیقت عظمت انسان کی معراج پر ہیں جو دنیا اور آخرت میں یقینا ممتاز مقام حاصل کریں گے۔
ان خیالات کا اظہار انہو ں نے خصوصی بچوں کی تربیت کے ادارے رائزنگ سن ایجوکیشن اور ویلفیئر سوسائٹی کی تقریب سے خطاب کے دوران کیا ، تقریب میں خصوصی بچوں کی تربیت کرنے والے ٹرینرز کو یہ احسن فریضہ انجام دینے کے لیے جدید خطوط پر تربیت کا اہتمام کیا گیا -گورنر پنجاب نے کہا کہ خصوصی بچے کسی بھی لحاظ سے صلاحیتوں کے اعتبار سے عام انسان سے کم نہیں بلکہ قدرت نے اگر ان کی کسی ایک حس میں کمی کی ہے تو کسی دوسری حس میں غیر معمولی صلاحیتوں کے مالک ہو تے ہیں - اگر ان کی مناسب انداز میں تربیت کی جائے تو یہ بھی اپنی ان چھپی ہوئی صلاحیتو ں کو بروئے کار لا کر معاشرے کی ترقی میں اپنا فعال کردار ادا کر سکتے ہیں-انہو ں نے کہا کہ ایسے والدین کو چاہیے کہ وہ خصوصی بچوں کو معذور سمجھ کر گھر میں بٹھا دینے کی بجائے انہیں معاشرے کا کارآمد شہری بنانے کے لیے کوشش کریں کیونکہ ان پر ذرا سی توجہ انہیں قابل فخر سپوت بنانے میں اہم کردار ادا کر سکتی ہے-گورنر پنجاب نے کہا کہ ہمارے معاشرے میں بے شمار ایسی زندہ مثالیں موجود ہیں کہ خصوصی افراد نے اپنی محنت اور لگن کے بل بوتے پر اپنی صلاحیتو ں کا لوہا منوایا ہے اور اپنے والدین او ر ملک و قوم کانام روشن کیا ہے - انہو ں نے خصوصی افراد کی تربیت کرنے والے ٹرینرکے کردار کو زبردست الفا ظ میں سراہتے ہوئے کہا کہ خصوصی افراد کی تربیت کے لیے یقینا انہیں کئی گنا زیادہ محنت کرنا پڑتی ہے لیکن ان کی یہ تربیت انہیں دونوں جہانوں میں سرخرو کرے گی-انہوں نے عام افراد پر بھی زور دیا کہ وہ آگے بڑھیں اور لڑکھڑاتے ان خصوصی بچوں کا ہاتھ تھامیں کیونکہ ان کا ذرا سا سہار ا ان کی زندگی کو سہل اور کارآمد بنا سکتا ہے-انہو ں نے خصوصی بچوں کی تربیت اور بحالی کے سلسلے میں رائزنگ سن کے کردار کو سراہا اور کہا کہ اس طرح کے ادارے کو جنو بی پنجاب کے دورافتادہ علاقوں میں خصوصی بچوں کی تربیت کے لیے قدم اٹھانا چاہیے، حکومت اس مقصد کے لیے ہر ممکن تعاون فراہم کرے گی-تقریب سے ادارے کے سربراہ ڈاکٹر عبدالتواب خاں اور دیگر مقررین نے خطاب کیا اور ادارے کی کارکردگی اورسرگرمیوں پر روشنی ڈالی ۔(جاری ہے)
متعلقہ عنوان :
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.