کراچی میں وائٹ کرولا گینگ کے 2 مجرموں کو45،45 سال قید کی سزا سنادی گئی

منگل 4 اگست 2015 16:02

کراچی(اُردو پوائنٹ اخبار تازہ ترین۔04اگست۔2015ء ) مقامی عدالت نے ڈکیتی اور زیادتی کیس کا فیصلہ سناتے ہوئے بدنام زمانہ وائٹ کرولا گینگ کے 2 مجرموں کو 45،45 سال قید کی سزا سنا دی۔ کراچی کی مقامی عدالت میں ڈیفنس میں کارروائیاں کرنے والے 2 افراد پر مشتمل کرولا گینگ کے مجرموں کو ڈکیتی اور زیادتی کے 37 مقدمات میں جرم ثابت ہونے پر45،45 سال قید کی سزا سنا دی۔

(جاری ہے)

مجرم محمد علی ہاجانی اور عمیر ڈیفنس میں لوگوں کو لفٹ دینے کے بہانے لوٹا کرتے تھے جب کہ انہوں نے کئی خواتین کو اس طرح اپنی ہوس کا نشانہ بھی بنایا جب کہ دونوں مجرم علاقے میں خوف کی علامت سمجھے جاتے تھے۔ گینگ میں شامل ایک مجرم محمد علی ہاجانی سابق ای ڈی او ایجوکیشن کا بیٹا ہے۔واضح رہے کہ مجرمان کے خلاف 2008 میں گزری تھانیمیں مقدمہ درج کیا گیا تھا جب کہ انہیں اسی سال گرفتاربھی کرلیا گیا تھا۔

متعلقہ عنوان :