لاہور : سانحہ یوحنا آباد میں ملوث دہشت گردوں کو بھارتی خفیہ ایجنسی ’را‘ کی مدد حاصل تھی۔ 5 دہشت گردوں کو گرفتار کر لیا گیا ہے، تاہم 3 دہشت گرد اب بھی مفرور ہیں۔ وزیر داخلہ پنجاب کرنل (ر) شجاع خانزادہ

Sumaira Faqir Hussain سمیرا فقیرحسین منگل 4 اگست 2015 15:50

لاہور : سانحہ یوحنا آباد میں ملوث دہشت گردوں کو بھارتی خفیہ ایجنسی ’را‘ ..

لاہور(اردو پوائنٹ تازہ ترین اخبار. 04 اگست 2015 ء) : وزیرداخلہ پنجاب شجاع خانزادہ کا کہنا ہے کہ سانحہ یوحنا آباد میں ملوث 5 دہشت گردوں کو گرفتار کرلیا گیا جنہیں افغانستان کے ذریعے بھارتی خفیہ ایجنسی“را”کی مدد حاصل تھی۔

(جاری ہے)

لاہور میں پریس کانفرنس کرتے ہوئے وزیرداخلہ پنجاب کا کہنا تھا کہ یوحنا آباد میں چرچ پر حملوں کے 5 دہشت گردوں کو گرفتار کرلیا گیا ہے اور 3 اب بھی مفرور ہیں جبکہ گرفتار دہشت گردوں میں قاری الیاس، خالد اور تاج علی شامل ہیں جنہیں افغانستان کے ذریعے بھارتی خفیہ ایجنسی“را”کی مدد حاصل تھی تاہم ملک میں بھارتی مداخلت کا معاملہ دفترخارجہ سطح پراٹھایا جا رہا ہے۔

انہوں نے کہا کہ یوحنا آباد میں دھماکوں کا مقصد مسلمانوں اور مسیحی برادری کے درمیان غلط فہمیاں پیدا کرنا تھا جبکہ دہشت گردوں کا اگلا ہدف کراچی تھا۔پریس کانفرنس کے دوران کرنل (ر) شجاع خانزادہ نے یوحنا آباد چرچ دھماکوں کے سہولت کاروں کی ویڈیوز بھی دکھائی جس میں ان کا کہنا تھا کہ یہ لوگ کبھی کراچی میں ہوتے ہیں توکبھی افغانستان چلے جاتے ہیں تاہم دہشت گردی کے متعدد نیٹ ورک ختم کردیئے گئے ہیں اور تحریک طالبان کے ٹوٹنے سے اس کے کئی دھڑے بن چکے ہیں۔

متعلقہ عنوان :