اسلام آباد ہائی کورٹ نے حال ہی میں اعلیٰ افسران کی ترقیاں کالعدم قرار دینے کے عدالتی فیصلے کو معطل کرنے سے متعلق وفاق کی درخواست پر فریقین سے 7 اگست تک جواب طلب کر لیا
ش
پیر 3 اگست 2015 22:58
اسلام آباد ( اُردو پوائنٹ اخبار تازہ ترین۔03اگست۔2015ء ) اسلام آباد ہائی کورٹ نے حال ہی میں اعلیٰ افسران کی ترقیاں کالعدم قرار دینے کے عدالتی فیصلے کو معطل کرنے سے متعلق وفاق کی درخواست پر فریقین سے 7 اگست تک جواب طلب کر لیا ہے۔ عدالت عالیہ کے جسٹس عامر فاروق نے مئی 2015ء میں سنٹرل سلیکشن بورڈ کی سفارشات پر گریڈ 21 سے 22 میں بیوروکریٹس کی ترقیاں کالعدم قرار دینے کے عدالتی فیصلے کے خلاف وفاق کی درخواست کی سماعت کی۔
دوران سماعت ایڈیشنل اٹارنی جنرل افنان کریم کنڈی نے موقف اپنایا کہ ہائی کورٹ کے سنگل بنچ نے بیوروکریٹس کی ترقیوں کا فارمولہ کالعدم قرار دے کر ایک ماہ میں نیا فارمولہ تشکیل دینے اور اس کے تحت ترقیوں کا معاملہ دوبارہ سنٹرل سلیکشن بورڈ کو بھجوانے کی ہدایت کی ہے جو مقررہ وقت میں ممکن نہیں۔(جاری ہے)
انہوں نے کہا کہ عدالتی فیصلے کے خلاف انٹراکورٹ اپیل تیار کر لی ہے تاہم تحریری فیصلے کا انتظار ہے لہٰذا انٹرا کورٹ اپیل دائر کرنے تک عدالت عالیہ کے سنگل بنچ کے فیصلے کو معطل کیا جائے۔
اس پر فاضل جسٹس نے وفاق ، وزارت قانون اور اسٹیبلشمنٹ ڈویژن سمیت تمام دیگر فریقین کو نوٹس جاری کرنے کا حکم دیتے ہوئے 7 اگست تک جواب طلب کر لیا ہے۔ واضح رہے کہ اسلام آباد ہائی کورٹ کے جسٹس شوکت عزیز صدیقی نے 27 جولائی کو گریڈ 21 سے 22 میں حالیہ ترقیوں کو کالعدم کرتے ہوئے سنٹرل سلیکشن بورڈ کے 15 نمبر کے فارمولہ کو سپریم کورٹ کے فیصلے کے برعکس قرار دیا تھا اور اسٹیبلشمنٹ ڈویژن کو بیوروکریٹس کی ترقیوں کے لئے ایک ماہ میں نیا فارمولہ بنانے کی ہدایت کی تھی۔متعلقہ عنوان :
مزید اہم خبریں
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.