منشیات فرشوں اور دہشتگردوں کے درمیان روابط کو توڑینگے اور گھناؤنے کاروبار سے منسلک افراد سے آہنی ہاتھوں سے نمٹا جائیگا ٗ آرمی چیف
منشیات سے حاصل ہونے والی رقم دہشتگردی کے واقعات میں استعمال کی جارہی ہے ٗمنشیات کے اسمگلرز اور ڈیلرز کو مستقبل کی نسلوں کو تباہ کرنے کی اجازت نہیں دی جائے گی ٗ جنرل راحیل شریف کا اے این ایف کے ہیڈکوارٹر کا دورہ کے موقع پر اظہار خیال
پیر 3 اگست 2015 17:48
راولپنڈی(اُردو پوائنٹ اخبار تازہ ترین۔03اگست۔2015ء) آرمی چیف جنرل راحیل شریف نے منشیات فرشوں اور دہشتگردوں کے درمیان روابط کو توڑنے اور منشیات کے گھناؤنے کاروبار سے منسلک افراد سے آہنی ہاتھوں سے نمٹنے کے عزم کا اظہار کرتے ہوئے کہاہے کہ منشیات سے حاصل ہونے والی رقم دہشتگردی کے واقعات میں استعمال کی جارہی ہے ٗمنشیات کے اسمگلرز اور ڈیلرز کو مستقبل کی نسلوں کو تباہ کرنے کی اجازت نہیں دی جائے گی آئی ایس پی آر کے مطابق جنرل راحیل شریف نے پیر کو اینٹی نارکوٹکس فورس (اے این ایف) کے ہیڈکوارٹر کا دورہ کیا جہاں ڈائریکٹر جنرل (ڈی جی) اینٹی نارکوٹکس فورس نے آرمی چیف کو منشیات کی روک تھام اور کارروائیوں سے متعلق آگاہ کیا۔
اس موقع پر خطاب کرتے ہوئے آرمی چیف نے کہاکہ منشیات پیدا کرنے والے اور منشیات فروش قومی سلامتی کے لیے بڑا خطرہ ہیں۔(جاری ہے)
جنرل راحیل شریف نے کہا کہ منشیات سے حاصل ہونے والی رقم دہشتگردی کے واقعات میں استعمال کی جارہی ہے۔ انھوں نے منشیات فرشوں اور دہشتگردوں کے درمیان روابط کو توڑنے کے عزم کا اظہار کیا۔جنرل راحیل شریف نے کہا کہ منشیات کے اسمگلرز اور ڈیلرز کو مستقبل کی نسلوں کو تباہ کرنے کی اجازت نہیں دی جائے گی اور ان سے آہنی ہاتھوں سے نمٹا جائے گا۔
آرمی چیف نے رواں سال اے این ایف کی جانب سے ریکارڈ منشیات ضبط کرنے پر بھی تعریف کی جس سے ملکی اور عالمی سطح پر اس لعنت کو ختم کرنے میں مدد ملی۔بریفنگ کے دوران ڈی جی اے این ایف نے چیف آف آرمی سٹاف کو منشیات کی بین الاقوامی و علاقائی صورتِ حال اور معاشرے پر اس کے مضر رساں اثرات، اے این ایف کی حکمتِ عملی اور منشیات سے پاک معاشرے کے قیام کو یقینی بنانے، در پیش مسائل اور فورس کی محکمانہ تعمیر و ترقی کی 5 سالہ منصوبہ سازی کے بارے میں آگاہ کیا۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.