3 فیصد ٹیکس مسلط کرنیوالوں کی ہڑتال مسترد ہو گئی ہے،شہر کے تمام اہم ،بڑے تجارتی مراکز کھلے رہے،عتیق میر
ہفتہ 1 اگست 2015 17:49
کراچی (اُردو پوائنٹ اخبار تازہ ترین۔ یکم اگست۔2015ء)3 فیصد ٹیکس مسلط کرنے والوں کی ہڑتال مسترد ہو گئی ہے،شہر کے تمام اہم اور بڑے تجارتی مراکز کھلے رہے، ہفتہ کوآل کراچی تاجر اتحاد کے چیئرمین عتیق میر نے شہر کی مارکیٹوں کا دورہ کرنے کے بعد کراچی پریس کلب میں ہنگامی پریس کانفرنس سے خطاب کرتے ہوئے تاجر برادری کو سرکاری انجمن تاجران کی ہڑتال ناکام بنانے پر مبارکباد پیش کی اور اظہار تشکر کرتے ہوئے کہا کہ تاجر برادری حکومت نواز خود ساختہ تاجر نمائندگان کی گمراہ کن ہڑتال مسترد کر کے گہری سازش کا شکار ہونے سے بچ گئی، انہوں نے کہا کہ مؤرخہ 4 اگست کو بینک ٹرانزیکشن ٹیکس کے خلاف عظیم الشان کار ریلی نکالی جائیگی جب کہ اس غیر منصفانہ ٹیکس کے خلاف مسلسل احتجاج کیا جائیگا، ، تاجر 5 اگست کی ہڑتال کو بھرپور کامیاب بنائیں، اس موقع پر سندھ تاجر اتحاد کے چیئرمین شیخ حبیب، اکرم رانا،انصار بیگ قادری، طارق ممتاز، زبیر علی خان، شیخ ارشاد، ایاز میمن موتی والا، ادریس میمن، دلشاد بخاری، خالد انور، ندیم شاہ، لطیف احمد، عبدالحئی خان،ملک اسلم جاویداور دیگر نے شرکت کی، عتیق میر نے شہر کے اہم ترین تجارتی علاقوں میں واقع مارکیٹوں جامع کلاتھ، ایم اے جناح روڈ، صدر، اردو بازار، ٹائر مارکیٹ، موٹر سائیکل مارکیٹ، سائیکل مارکیٹ، لائٹ ہاؤس، بوہری بازار، ریگل، طارق روڈ، کلفٹن، بوہرہ پیر، لیاقت آباد، ملیر، بابر مارکیٹ، کورنگی، لانڈھی،شاہ فیصل، ڈرگ کالونی،قائد آباد، کھوکھرا پار، ماڈل کالونی، حیدری، گلبہار، آرام باغ، گارڈن آئل اینڈ اسپیئر پارٹس مارکیٹ، آئرن شیٹ مارکیٹ، ٹمبر مارکیٹ، میڈیسن مارکیٹ، نیو کراچی، برنس روڈ، شیر شاہ پراچہ چوک، پاپوش، گولیمار، جوبلی، ڈیفنس، زمزمہ کے تاجروں کو مبارکباد دیتے ہوئے کہا کہ اگر آئندہ بھی ایسی ہی یکجہتی کا مظاہرہ کیا گیا تو انشاء اﷲ ہم اپنے نیک مقصد میں ضرور کامیاب ہونگے، انہوں نے تاجروں کو یقین دلایا کہ ہم احتجاج کے ساتھ ساتھ حکومت سے ٹیکسیشن اصلاحات پر بات چیت بھی کر رہے ہیں، اگر حکومت نے سنجیدگی اختیار کی تو مذاکرات نتیجہ خیز ہوں گے اور تاجر برادری ٹیکس نیٹ میں بھر پور طریقے سے شامل ہو گی۔
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.